Radyjo Svaboda paviedamlaje: Siońnia, pryblizna a 12-j hadzinie, kala ŭniversamu «Brest» była blakavana mašyna, u jakoj znachodziŭsia kiraŭnik abłasnoha štabu Milinkieviča Juraś Hubarevič.
Pra heta paśpieŭ paviedamić praz mabilny telefon sam spadar Hubarevič. I adrazu suviaź ź im abarvałasia.
Ciapier Juraś Hubarevič znachodzicca ŭ adździele ŭnutranych spraŭ Maskoŭskaha rajonu Bieraścia, vakoł jakoha vystaŭlena dadatkovaja aharodža. Milicyjanty tłumačać heta praviadzieńniem niejkaj specaperacyi: maŭlaŭ, na takoj padstavie abmiežavali dostup u rajonny adździeł dla inšych asob. U tym liku, i dla naziralnikaŭ ad ABSE, jakija pryjechali vyśvietlić los spadara Hubareviča.
Varta nahadać: 17 sakavika ŭ mašynie kiraŭnika Bieraściejskaha abłasnoha štabu Milinkieviča spačatku byli prabity koły, a paśla supracoŭniki DAI źniali ź jaje numary – z taje pryčyny, što nia projdzieny techničny ahlad. Kali ž usie pracedury pa ahladzie mašyny byli vykanany, supracoŭniki DAI admovilisia viartać numary j advieźli asabisty aŭtamabil Jurasia Hubareviča na štrafnuju stajanku.
Taksama 17 sakavika na 5 sutak aryštu byŭ asudžany Ŭładzimier Vialičkin, jaki znachodziŭsia razam sa spadarom Hubarevičam i sprabavaŭ fatahrafavać aŭtamabili, jakija nieadstupna supravadžali mašynu kiraŭnika abłasnoha štabu Milinkieviča.
Ciaham hetaha tydnia byli aryštavany j inšyja aktyvisty vybarčaj kampanii ŭ Bieraści – Ściapan Navasielčan, Źmicier Šymanski, Ryhor Bakijevič.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty51
Kamientary