Termin utrymańnia pad vartaj palityka, deputata Viarchoŭnaha Savieta 13‑ha sklikańnia Andreja Klimava praciahnuty jašče na try miesiacy. Pra heta BiełaPAN paviedamiŭ jaho paplečnik Cimafiej Drančuk.
Pavodle słoŭ T.Drančuka, ab praciahu terminu A.Klimaŭ paviedamiŭ u listach dadomu. Taksama palityk napisaŭ ab tym, što 21 maja ŭ minskim śledčym izalatary № 1 u jaho zdaryŭsia sardečny prystup i jon byŭ špitalizavany ŭ Respublikanskuju turemnuju balnicu na vulicy Kalvaryjskaj.
«Jašče b krychu, i ja by zdoch prosta na turemnaj nary. Da siońniašniaha dnia krychu ačuniaŭ. Mahu hulać u dvoryku balnicy, a hałoŭnaje, staŭ spakojna spać, bieź niečakanych prystupaŭ udušša i spazmaŭ u hrudziach», — napisaŭ u liście A.Klimaŭ.
T.Drančuk adznačyŭ, što abvinavačańni, pradjaŭlenyja ŭ svoj adras, Klimaŭ nazvaŭ biespadstaŭnymi, a staŭleńnie da jaho prakuratury — biespardonnym. «Serca pajšło ŭraznos, — paviedamiŭ A.Klimaŭ. — Prychodzicca zmahacca za fizičnuju mahčymaść uziać kožny dzień aryštu».
Nahadajem, što Andrej Klimaŭ byŭ aryštavany 3 krasavika ŭ prakuratury horada Minska. Jamu pradjaŭlena abvinavačańnie pa č. 3 art. 361 Kryminalnaha kodeksa (publičnyja zakliki da zachopu dziaržaŭnaj ułady abo hvałtoŭnaha źmianieńnia kanstytucyjnaha ładu z vykarystańniem ŚMI).
Pobač z Łukašenkam na chakiei źjaviłasia novaja pryhažunia10
Kamientary