U Padzievičach siońnia žyvie 70 čałaviek, ale kolkaść nasielnictva tut z kožnym hodam pamianšajecca. Ludzi starejuć, u ich niestaje sił apracoŭvać ziamlu. Što ž rabić ź biezhaspadarnymi paletkami?
U SVK «Saŭhas «Padzievičy» vyrašyli pasadzić na hetaj kinutaj ziamli sad. Ideja naležyć kiraŭniku haspadarki Anatolu Drazdovu. Rabočyja saŭhasa nakapali ŭ lesie «dzičak» — jabłyń i hruš. I na ŭčastku pamieram bolš za hiektar pasadzili niekalki socień dreŭ.
A ŭ vioscy Zapolle žyvie miascovy «mičuryniec» Siarhiej Minčuk. Hety małady viaskoviec jašče niekalki hadoŭ tamu źviarnuŭsia ŭ haspadarku z prośbaj addać jamu ziamlu, jakaja pustavała, niepadalok ad jaho doma. I tam na dziva ŭsioj vioscy pasadziŭ sad z tych ža samych «dzičak», a potym paśpiachova pryviŭ ich kulturnymi hatunkami. Siarhiej zdymaje ŭradžaj bananavych jabłykaŭ i addaje jaho ŭ škołu i dziciačy sadok na charčavańnie dziaciej. Sadavod‑amatar uziaŭsia taksama zrabić pryščepki i ŭ novym padzievickim sadzie.
Padzievičy — heta staroje pasielišča, viadomaje ŭ akruzie svaim kamieniem‑pomnikam.
U sielvykankamie abiacajuć, što padzievicki sad — pieršy, ale nie apošni ŭ akruzie. U vioscy Dručany taksama jość učastki ziamli, ad jakich z roznych pryčyn admovilisia haspadary. I kab vioska nie zarastała pustaziellem, jość tolki dva šlachi — zasadzić ziamlu albo lesam, albo sadam.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary