«Heta zabiraje vielmi šmat času i hrošaj», — tłumačać muzyki.
Muzykanty biełaruskaha hurtu «Drum Ecstasy» zajavili, što bolš nie źbirajucca vypuskać albomy na kampakt‑dyskach, a majuć namier vykładvać svaje novyja kampazicyi ŭ interniecie. Pra heta BiełaPAN paviedamiŭ mieniedžer katałoha «West Records» Mikałaj Sapunoŭ.
«My vyrašyli karennym čynam źmianić naš padychod da raspaŭsiudžvańnia svajoj muzyki, — patłumačyŭ lider hurtu Filip Čmyr. — My pryjšli da vysnovy, što dla nas nie maje sensu zapis poŭnafarmatnych płaścinak». Pavodle jaho słoŭ, «heta zabiraje vielmi šmat času i hrošaj», aprača taho dyski «ŭ niekatorym sensie zabirajuć častku aŭdytoryi, jakaja mahła b chadzić na «žyvyja» kancerty».
Udzielniki kalektyvu ličać, što raz u try miesiacy jany buduć vykładvać na svaim sajcie adzin novy tvor. «My vyrašyli bolš nie nieści strataŭ pry zapisie dyskaŭ, a rabić bolš kancertaŭ i rekłamavać siabie praź interniet pry dapamozie biaspłatnych mp3‑trekaŭ», — paviedamiŭ F.Čmyr.
U suviazi z takimi pieramienami było vyrašana abnavić aficyjnuju staronku «Drum Ecstasy» u interniecie. Ciapier prychilniki tvorčaści hurtu zmohuć atrymać na sajcie poŭnuju infarmacyju ab usich albomach, prajektach (jak muzyčnych, hetak i dyzajnierskich), sumiesnych prajektach, a ŭ budučyni i ab usich udzielnikach kalektyvu, jakija pracavali ŭ im u rozny čas..
Nahadajem, historyja hurtu «Drum Ecstasy» naličvaje ŭžo bolš za 15 hadoŭ. Kalektyŭ ihraje ciažkuju tancavalnuju muzyku z vykarystańniem bas‑hitary i barabanaŭ. Hurt viadomy jak aŭtar saundtrekaŭ da rasijskich filmaŭ «Načny dazor», «Dzionny dazor» i da sieryjała «Mužčyny nie płačuć».
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary