Vodhuki

Vodhuki

Kłanavańnie:

tolki bijatechnalahičnaja prablema

Siarod prablemaŭ, što sparadžaje kłanavańnie, jość i całkam nievyrašalnyja.

Pieršaja ź ich bijalahičnaja. Isnujuć peŭnyja zakanamiernaści pieradačy, transfarmacyi i stareńnia hienetyčnaha materyjału na praciahu žyćcia, i jany pakul amal nieviadomyja. Tamu pry štučnym utvareńni z samatyčnaj kletki “novy” arhanizm naradžajecca nia juny i žyćciazdolny, z poŭnym zapasam hienetyčnaj enerhii, a bijalahična stary indyvid, schilny da dehradacyi. Siońniašnija viedy pra mechanizmy stvareńnia i stareńnia kletki nie nastolki hłybokija, kab pradbačyć usie mahčymyja chiby i siurpryzy kłanavańnia.

Čałaviek – heta nia tolki sukupnaść kletak, plon chramasomaŭ, ale i sukupnaść histaryčna-duchoŭnych charaktarystyk, jakija, pa sutnaści, i farmujuć asobu. Kab “uvaskrasić” kankretnaha čałavieka, treba ŭznavić nia tolki jaho bijalahičny kod, ale i peŭnyja histaryčnyja ŭmovy. Kožny čałaviek – źjava niepaŭtornaja, i farmujecca jana ex tempore, kankretnym časam, miescam i sacyjalnymi abstavinami. Naprykład, Łukašenka tak i zastaŭsia b staršyniom kałhasu, kab naradziŭsia na 20 hod raniej, Hitler byŭ by zaštatnym mastakom i viečnym niaŭdalicam, kab źjaviŭsia na śviet u Amerycy, Zianon Paźniak staŭ by pałymianym kamunistam, kab ros u siamji “pravasłaŭnych ateistaŭ” abo rabotnikaŭ Kaminternu. Takim čynam, kłanavańnie siońnia – prablema najbolš bijatechnalahičnaja, i realnaja jaje karyść – u vyroščvańni tkanak i orhanaŭ dla medyčnych metaŭ. Choć jość i zusim inšy plon. Dla fantastaŭ – novyja siužety i mahčymaść padzarabić, dla kanservataraŭ – nahoda čarhovy raz abaranić “maralnyja ŭstoi”, dla masavaj publiki – śviežaja tema dla plotak i zababonaŭ, dla biełarusaŭ – jašče adna mahčymaść schavać hałavu ŭ “piasok futuralohii” napiaredadni małapryjemnych padziejaŭ nadvornaha žyćcia.

Vasil Aŭramienka, Mahiloŭ

Tłum

Materyjał “Tłum dziaciej. Dzieci tłumu” —najiarčejšy prykład intelektualnaha mazachizmu. Pračytvańnie jaho — najvialikšaje zadavalnieńnie. Miarkuju, mienavita tamu jon i trapiŭ u “NN” ad 27 žniŭnia 2001 h.

Chaciełasia b, adnak, zaścierahčy čytačoŭ “NN” ad sproby ŭstupić u palemiku z A.Č. I ŭvohule, nia varta ŭsprymać narys surjozna. Jon ža nie pretenduje na navukovaść. Nie vyjaŭlaje niejkich ahulnych zakanamiernaściaŭ stanaŭleńnia nacyi j kultury. Zasnavany vyklučna na ŭjaŭleńni pra “ŭnikalnaść” i admysłovaść biełarusaŭ.

Alaksandar Batura, Sadki (Kapylščyna)

Vodhuk-žart

Pavažanamu spadaru Hałoŭnamu načalniku pavažanaj hazety “Naša Niva” ad Hraždana

Nastolki supieražyvaju z Vami, što hatovy daravać Viciu Šnipu ŭsie jahonyja abłyžnaści, bo mahu pabažycca, što ŭsie Vašyja kamputarnyja plahi – nie jahonych ruk dzieła, choć jon taksama vusaty.

A ŭsio dzieła ŭ tom, što zrabili heta albo Sabaka łysy, albo ž Prafesar, u jakim ja adrazu pad vučonym pseŭdanimam paznaŭ Haŭno, jakoha ŭsiudy poŭna pa samyja zaviazki, – nia ŭstupicie tolki. Aŭtarytetna prysiahaju Vam u tym, što nijaki virus tut nie vinavaty. Ale ŭsio-taki chaj žyvieć savieckaja ŭłaść!

Z Vami, Vaš Hraždan