Jak z Domam Maryjanaŭ

Jak z Domam Maryjanaŭ

Pieršyja publikacyi pra Dom Maryjanaŭ mieli nieabyjaki rozhałas: u Londan telefanavali zaniepakojenyja sytuacyjaj biełarusy Ameryki, Polščy, Hišpanii, Rasiei. Pačali iści pieršyja listy ź Biełarusi na ŭzor, jaki drukavała “Naša Niva”.

Adkazu ad aficyjnaha Vatykanu pakul niama, i zahad vysielić Biełaruskuju Misiju z Maryjan Haŭzu zastajecca na hety čas apošnim słovam. Tamu “Naša Niva” zaklikaje čytačoŭ dałučycca da akcyi padtrymki Maryjan Haŭzu. Uzory listoŭ, jakija možna dasyłać na adras Uschodniaj kanhrehacyi Vatykanu, — tutaka. Tolki nie zabudźciesia prypisać pry kancy zvarotny adras — bieź jaho piśmy nia buduć mieć vahi.

Nahadajem, što Dom Maryjanaŭ u Londanie — centar biełaruskaha žyćcia ŭ Zachodniaj Eŭropie. Dom pabudavany tolki na biełaruskija hrošy, ale adpisany Ordenu Maryjanaŭ. Tyja, u svoj čarod, pieradali budynak Uschodniaj kanhrehacyi Vatykanu. Ciapier Dom Maryjanaŭ niama kamu ramantavać, i, pavodle anhielskaha zakonu, jaho źbirajucca pradavać. Uschodniaja Kanhrehacyja pakul schilajecca da taho, kab jaho pradać, a Biełaruskuju Misiju, jakaja tam mieścicca, — začynić. Miž tym, tolki dziakujučy Domu Maryjanaŭ i Misii dziejničali dziasiatki roznych adukacyjnych, dabračynnych i navukovych prajektaŭ u Biełarusi i ŭ dyjaspary.

“Naša Niva” źviartajecca da svaich čytačoŭ z prośbaj padtrymać Maryjan Chaŭz. Aprača “NN”, zvarot padtrymali ńju-jorskaja hazeta “Biełarus”, mienskaja hazeta “Hołas Radzimy”, a taksama “Biełaruski Dajdžest”.

Kali vy chočacie dapamahčy ŭ spravie ŭratavańnia “Maryjan Chaŭzu”, dasyłajcie listy kiraŭniku Kanhrehacyi ŭschodnich cerkvaŭ, kardynału Ihnacyju Musu Daudu. Nižej my prapanujem uzor, jaki, padpisaŭšy, možna adasłać jak indyvidualny list. Kali chočacie napisać svoj tekst, da aryhinału pažadana dałučyć karotki pierakład na italjanskuju, francuskuju abo anhielskuju movy.

Jaho Eminencyi Kardynału Ihnacyju Musu Daudu
Sua Eminenza Cardinale Ignace Moussa Daoud
Prefetto della Congregazione per le Chiese Orientali
00120 Cittá del Vaticano
Vatykan

Vašaja Eminencyja!

Ja źviartajusia da Vas ź vialikaj tryvohaj ab losie suśvietna viadomaha biełaruskaha duchoŭnaha centru – Biełaruskaje katalickaje misii ŭ Londanie – i jejnaha serca – “Maryjan Chaŭzu” z kaplicaj śv.Apostałaŭ Piatra i Paŭła.

“Maryjan Chaŭz” – unikalnaja relihijnaja j kulturnaja kaštoŭnaść dla niekalkich pakaleńniaŭ biełarusaŭ. Asabliva vialikaje značeńnie dla nas jon maje ciapier, kali Biełaruś pieražyvaje balučy praces palityčnaha j relihijnaha stanaŭleńnia. Strata “Maryjan Chaŭzu” moža stacca niepapraŭnaj škodaju dla zachavańnia dy raźvićcia biełaruskaje duchoŭnaści.

Vašaja Eminencyja, ja spadziajusia na Vašuju mudraść i dalnabačnaść u pryniaćci kančatkovaha rašeńnia pra “Maryjan Chaŭz” i vieru ŭ kiraŭnictva Śviatoha Ducha va ŭsich Vašych spravach na karyść Śviatoje Carkvy j viernych.

Z pašanaju...

Votre Éminence,

Avec une grande inquétude, je m'adresse a vous pour attirer votre attention sur le sort du centre religieux bélarussien, renommé dans le monde entier. C'est la Mission Catholique Bélarussienne a Londres et son cњur — Marian House avec la chapelle des Saints Apôtres Pierre et Paul.

Pour plusieurs générations des bélarussiens, Marian House représente une valeur religieuse et culturelle unique. Et c'est surtout maintenant, quand le Bélarus traverse une période d'épreuve de son identité politique et religieuse, que le rôle de ce centre est inestimable. La perte de Marian House pourrait causer un dommage irréparable a la cause de préservation et de développement de la culture spirituelle bélarussienne.

J'ai le ferme espoir, Votre Éminence, que votre décision finale sur Marian House fera preuve de vos sagesse et prévoyance, et je crois aux conseils de l'Ésprit Saint dans tout ce que vous faites pour la Sainte Église et pour ses croyants.

Je vous prie d'agréer, Votre Éminence, l'assurance de mes sentiments dévoués.