Na pačatku kastryčnika śviet ablacieła viestka pra adkryćcio dziasiataj planety Soniečnaj systemy.
Va ŭsiakim razie, heta było najbolšaje kaśmičnaje cieła, vyjaŭlenaje za apošnija 72 hady (u lutym 1930 h. byŭ adkryty Pluton). Majkł Braŭn i Čadvik Truchilja, astranomy z Kalifarnijskaha technalahičnaha instytutu, nazvali novaje planetarnaje cieła ŭ honar bostva miascovych indziejcaŭ — Kvaoar (boh-stvaralnik, jaki syšoŭ ź niabiosaŭ na ziamlu, chaos pieratvaryŭ u ład, stvaryŭ žyviołaŭ i ludziej). Adnak nazva hetaja pakul aficyjna nie zamacavana, praź niekalki miesiacaŭ jaje musić uchvalić Mižnarodny sajuz astranomaŭ. Pakul novy «abjekt» maje tolki numar — 2002LM60.
Jahonyja habaryty — kala 1280 km u dyjametry (u 10 razoŭ mienšy za Ziamlu). Ad Sonca jon addaleny na 600 młn. km. I ablataje vakoł jaho za 288 ziamnych hadoŭ.
Pieršyja vyjavy Kvaoaru byli atrymanyja jašče ŭ 1982 h., adnak tady jaho na zdymkach paprostu nie zaŭvažyli siarod asteroidaŭ.
Kvaoar znachodzicca ŭ tak zvanym Pojasie Kojpera, jaki ŭjaŭlaje saboj mnostva abjektaŭ ź lodu i skalnaj parody. Da takich samych abjektaŭ naležyć i Pluton — paśla adkryćcia Pojasu Kojpera vynikli sumnievy, ci słušna my ličym jaho planetaj. Toje samaje i z Kvaoaram, jaki naŭrad ci aficyjna budzie pryznany za planetu Soniečnaj systemy. Da taho ž Braŭn i Truchilja pilna ahledzieli ŭ Pałamarskaj abservatoryi tolki 5% bačnaj niabiesnaj prastory i pierakananyja, što ŭ astatnich 95% znojduć jašče kala 20 niabiesnych ciełaŭ, nia mienšych za Kvaoar abo navat za Pluton. Dzie ž ty budzieš ich usie zapisvać u planety!
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było3
Kamientary