Heta historyja pra niedarečna-piaščotnaje kachańnie pamiž niemaładoj užo žančynaj-dramaturham i starym kavaleram. Toj zvalvajecca z sardečnym prystupam u domie hieraini paśla trapnych zalacańniaŭ da jejnaj dački.
Karcina lehkavažna-śvietłaja z pradumanaj taktoŭnaj zdolnaściu kazytać da śmiechu i nat kalektyŭnaha rohatu z avacyjami, ale nie razdražniać. Film napoŭnicu trymajecca na duecie Džeka Nikałsana i Dajany Kitan, jakija pieratvarajuć lubuju paviarchoŭnaść režysera j scenarysta Nensi Mejers u nieabaviazkovyja i pryjemnyja žarty.
Kijanu Ryŭz zaśviaciŭsia ŭ niazvykłaj dla hledačoŭ roli zakachanaha hierantafiła, ale čakać meladramatyčnych kiepstvaŭ ad jaho hieroja nie prychodzicca, bo sytuacyja rassmoktvajecca sama saboj.
Abyhryvańnie siužetu karciny ŭ mylnaopernaj pjesie, jakuju piša hierainia, — najlepšyja sceny filmu. Ale j tut režyser zbajaŭsia choć kaho-niebudź pakryŭdzić. Asablivuju «padziaku» treba vykazać miascovym prakatčykam za biesprytulny mikrafon u kadrach, ale nat heta źjaŭlajecca častkaj zusim nieabaviazkovaha šarmu ŭ karcinie.
Film raźličany na toje, kab nie pakidać u hledačoŭ anijakich niepryjemnych pačućciaŭ, — i zadaču hetuju vykonvaje pavodle ŭsich praviłaŭ.
(Something's Gotta Give)
ZŠA, 2003, kalarovy, 128 chv.
Žanr: Meladramatyčnaja kamedyja
Adznaka: 5 (z 10)
Andrej Rasinski
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary