Biełaruski biudžet sioletnich Alimpijskich hulniaŭ trymajecca ŭ poŭnym sakrecie.
Ale viadoma, što niejmaviernyja srodki byli vydatkavany letaś na rekanstrukcyju bolš jak 30 spartovych abjektaŭ — 13,3 miljona dalaraŭ. U 2004-m na nabyćcio miakkaha inventaru i ekipiroŭki pajšło zvyš za 800 tysiač «zialonych». Farmakalahičnyja i białkova-vitaminnyja preparaty ŭ pieršym kvartale abyšlisia ŭ 180 miljonaŭ rubloŭ. Aprača taho, na spartovaje abstalavańnie zaplanavana patracić 1,4 miljona dalaraŭ.
Trochi bolej za try miesiacy zastałosia da taho času, kali na radzimie Alimpijady budzie zapalena połymia XXVIII letnich Alimpijskich hulniaŭ.
Palityka kiraŭnictva Biełarusi ŭ halinie vialikaha sportu najlepšym čynam układajecca ŭ kanvu viekapomnych savieckich piacihodak: vykanać pastaŭlenuju zadaču luboj canoj, čaho b heta ŭsim nam ni kaštavała. Bo ŭ jakim jašče kirunku, jak nia ŭ sporcie, kraina moža apynucca na 23-j pazycyi ŭ suśvietnym śpisie siarod 199 dziaržaŭ? Mažliva, tolki ŭ rejtynhu pravaabarončaj arhanizacyi «Freedom House», dzie Alaksandar Łukašenka fihuruje ŭ pieršaj dvaccatcy vialikich dyktataraŭ sučasnaści.
U tradycyjnym krasavickim «Pasłańni prezydenta nacyjanalnamu schodu i biełaruskamu narodu» Łukašenka (jaki źjaŭlajecca i staršyniom Nacyjanalnaha alimpijskaha kamitetu) va ŭltymatyŭnaj formie paŭtaryŭ ahučanuju jašče paśla sydnejskaj alimpijady zadaču: «Ja dumaju, što i ŭrad, i ministar, i inšyja viedajuć dakładna, što zbornaja musić zavajavać nia mienš za 25 medaloŭ. Heta i prahnoz, i ćviarozy raźlik našych mahčymaściaŭ, i nakaz našaha narodu biełaruskim spartoŭcam. Možna nakont hetaha «vyskalacca». Pryhadvać deviz zasnavalnika alimpijskaha ruchu Pjera de Kubertena: «Hałoŭnaje nie pieramoha, a ŭdzieł». Heta ŭsio dobra. Ale nam patrebien vynik — 25 medaloŭ. Niašmat, 25. Ja ž sto nie prašu».
Poŭny varyjant artykułu hladzicie ŭ hazecie "Naša Niva".
Kastuś Łaškievič
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary