13 červienia ŭ Miensku na płoščy Svabody pad huki ratušnaha hadzińnika ŭdzielniki abarony mienskaj opery pryhadvali padziei 20-hadovaj daŭniny.
13 červienia, 13 čałaviek, budynak Centralnaha RAUS, zbudavany ŭ 1913-m… Historyja hramadzianskaj aktyŭnaści ŭ Miensku pačynałasia jak dziciačaja strašyłka.
13 červienia 1984 h. studentka kanservatoryi Łarysa Simakovič (ciapier kiraŭnica folk-teatru «Hościca») išła na śpieŭki «Majstroŭni», jakija adbyvalisia ŭ Pałacy prafsajuzaŭ. Jana ŭbačyła, što budynak opery abniesieny płotam i jaho źbirajucca rujnavać. Jana paśpiašałasia ŭ «Majstroŭniu», i ŭsie trynaccaćć udzielnikaŭ śpievak pabiehli na vulicu pratestavać.
Ideja pra abaronu budynku łunała ŭ pavietry. Niejki čas budynak stajaŭ u ryštavańniach i była pahałoska, što jaho buduć restaŭravać. Potym źjavilisia artykuły, dziakujučy jakim hramadzkaść daviedałasia, što budynak buduć znosić. Tyja ž «majstroŭcy», studenty VNU arhanizavali zbor podpisaŭ u abaronu budynku, ale heta nie dapamahło.
Kali «majstroŭcy» pryjšli na miesca padziei, tam užo byŭ tłum raziavak. Bałazie pahladzieć było na što: budynak buryli čyhunnaj babaj, stajaŭ niejmavierny hrukat, pył lacieŭ va ŭsie baki. Budynak rassypaŭsia na vačach. Pad raźmieranyja ŭdary čyhunnaj baby «majstroŭcy» pačali skandavać: «Rujnujecca pomnik historyi!» Była šostaja viečara, ale milicyjanty kazali ŭdzielnikam akcyi, što jany zaminajuć žycharam spać. Tady vyrašyli vykazać pratest vizualna, i mastak Aleś Kostka lotam namalavaŭ plakat «Rujnujecca pomnik historyi». «My tady nia nadta viedali, što značyć vyjści na vulicu. My nia viedali ni Administracyjnaha, ni Kryminalnaha kodeksaŭ, my naiŭna słuchalisia milicyjantaŭ. Šmat što było naiŭna», — kaža ŭdzielnik padziej Vincuk Viačorka.
Z taksafona Aleś Maračkin i Mikoła Kupava sprabavali patelefanavać kamu-niebudź z čynoŭnikaŭ. Ale byŭ kaniec pracoŭnaha dnia, i nikoha z adkaznych asobaŭ nie było na pracy.
Poŭny varyjant artykułu hladzicie ŭ hazecie "Naša Niva".
Vieranika Dziadok
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary