Alimpijada ŭ lusterku chmaračosaŭ
36 tysiačaŭ knih na alimpijskuju tematyku prapanuje zaakijanskaja net-kniharnia Amazon.com — hetaja ličba zabivaje napavał. Jakaść alimpijskich fotaalbomaŭ na palicach viedamych u Ńju-Jorku kniharań «Barnes & Noble» uvodzić u stan hrohi. Kolkaść navinaŭ va ŭsich mahčymych ŚMI ŭražvaje. Dosyć skazać «baks-baks», jak kaliści «sim-sim», i ŭsio heta robicca tabie dastupnym. Tym bolš šakuje toj fakt, što tut, u ZŠA, Alimpijadaj cikavicca tolki abmiežavanaja hrupa zaŭziataraŭ.
Hieahrafičnaja adlehłaść Novaha Śvietu ad Staroha i, u padmurku svaim, niekamercyjny charaktar Alimpijskich hulniaŭ zrabiŭ ich, pa sutnaści, čužymi dla amerykanskaj mary. Imperyja svabody i hrošaj žyvie ŭ napružanym čakańni novych teraktaŭ, stohnie ŭ lichamancy napiaredadni premjery čarhovaha blakbasteru kštałtu «Catwoman», z ranku da viečaru padličvaje šancy Buša i Kiery.
A jak ža sport?
U amerykancaŭ svajo razumieńnie sportu, i na pieršym miescy, pa-za kankurencyjaj, bejsboł. Heta i chobi, i hrošy, i adpačynak, pieršyja bačyny hazet i prajm-tajm na TB, usieahulnaja luboŭ da «New York Yankees» i paŭsiudnyja vyjavy jaje kapitana — impazantnaha mułata Deryka Džytera. Bejsbolny čempijanat u samym zenicie, usio astatniaje na druhim planie.
Što da Alimpijady, dyk zhadki pra jaje najčaściej źjaŭlajucca ŭ źviazku ź dźviuma akaličnaściami: dopinhavym skandałam u stanie lohkaatletyčnaj kamandy i antyterarystyčnymi vydatkami hreckaha boku.
Pradstaŭleńnie pačynajecca. Ale ci dla ŭsich?
Kastuś Łaškievič, Ńju-Jork
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ4
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary