Tolki adna zajava na biełaruskamoŭnaje navučańnie ŭ 1-j klasie padadziena sioleta ŭ Mahilovie.
Janinie Asipcovaj nie daviadziecca vučycca pa-biełarusku, jak hetaha chacieli jaje baćki. Adździeł adukacyi Leninskaha rajonu Mahilovu nia moža arhanizavać biełaruskamoŭnuju klasu dla adnaje vučanicy. Z hetaj nahody administracyja škoły patrabavała ad Janininych baćkoŭ zabrać zajavu na biełaruskamoŭnaje navučańnie j pierapisać na rasiejskamoŭnaje. «Nam skazali: inačaj budzie vyhladać tak, niby my nia možam zabiaśpiečyć vykanańnie vašych pažadańniaŭ», — kaža Aleś Asipcoŭ, baćka pieršaklaśnicy.
Baćki pierapisvać zajavu admovilisia. Praŭda, Janina ŭsio adno budzie navučacca pa-rasiejsku. A.Asipcoŭ spadziajecca, što bližejšym časam usio ž udasca znajści varyjant biełaruskamoŭnaha navučańnia — praz hazetnyja publikacyi. Na dumku Alesia, viny adździełu adukacyi ci hramadztva niama. Heta nie vina, a biada, i siamja Asipcovych imkniecca «vyrašyć prablemu ŭ duchu dyjalohu, a nie kanfrantacyi».
Kab Tavarystva biełaruskaj movy mahło nahadvać kožnaj siamji šaściletak pra mahčymaść vučycca pa-biełarusku, biełaruskija hrupy nabiralisia b. Pakul ža mała chto viedaje, što takoje ŭvohule mažliva.
AŠ
Kamientary