Na novym parachodzie nas niašmat

Słavamir Adamovič: «Majo pakaleńnie nia vystaviła i nia vystavić piśmieńnikaŭ, roŭnych Šamiakinu»

Paet Słavamir Adamovič znachodzicca ŭ Narvehii, dzie jon paprasiŭ palityčnaha prytułku. Na jaho pieršuju prośbu byŭ dadzieny admoŭny adkaz, ciapier razhladajecca apelacyja. Jakija jon maje šancy zastacca i što źbirajecca rabić u vypadku admovy?

Słavamir Adamovič: Jašče z paŭhodu čakać da viasny, ale, na žal, najchutčej, što i druhi adkaz budzie nehatyŭnym. Ja budu čakać da kanca, chaču pravieryć, jak staviacca da emihrantaŭ z uschodu Eŭropy narveskija ŭłady. Da viasny budu jašče ŭ Rohnanie, kali tolki nie prymu niejkich rezkich krokaŭ pratestavaha charaktaru, što mahčyma. Sioleta adzin hruzin sprabavaŭ siabie spalić pierad Stortynham, praŭda, jaho ŭratavali i amal adrazu departavali.

Za apošni čas u Osła atrymała prytułak Iryna Hromava, a dva chłopcy z-pad Bieraścia atrymali nehatyŭny adkaz ad Osła. Učora siastra pazvaniła mnie ź Miensku, što tam administracyja choča zabrać pakoj, u jakim ja prapisany z 1994 h. Heta, dumaju, nie praz zapazyčanaść, bo kali ja nie pražyvaju, dyk i nie abaviazany apłačvać, pavodle Žyllovaha kodeksu. Tut inšaje majecca na ŭvazie — mo chočuć pazbavić prapiski i hramadzianstva? Ja ŭ tym pakoi pražyŭ ad 1991 h. Cikava, darečy, ja ŭ Miensku z 83-ha, a pakoj atrymaŭ tolki praz 8 hadoŭ, a prapisku jašče tolki praz try, i toje, i toje, kali była naša ŭłada. Mnie tady mocna dapamahła budučaja žonka Paźniaka, Halina Vaščanka, jakaja była deputatkaj harsavietu.

«NN»: Čaho Vam najbolš nie staje ŭ Narvehii?

S.A.: Taho ž, čaho nie stavała b i ŭ Biełarusi, jak heta ni skrušna. Litaratury nie chapaje — dyk i ŭ Biełarusi jaje b nie chapała. Biełaruskaha žyćcia brakuje — dyk i doma jaho niama. Pravilna budzie tolki skazać, što nie chapaje biełaruskich žančyn. Tut ich niama, a doma jany jość, niahledziačy na palityčnuju sytuacyju.

«NN»: Jasna, jakija tendencyi biełaruskaha žyćcia Vas najbolš tryvožać. A što najbolš raduje?

S.A.: Što moža ciešyć? Niejak dumaŭ pra heta ceły dzień i tak i nie prydumaŭ. Aprača vyklučna pryvatnych rečaŭ, stanoŭčych momantaŭ u hramadzkim žyćci niama. Heta prablema luboj dyktatury. Prychodzicca sychodzić u pryvatnaści, i adčuvaješ siabie narmalna tolki ŭ siamji.

Poŭnaściu hety artykuł možna pračytać u papiarovaj i pdf-versii "Našaj Nivy"

Barys Tumar, Osła

• 0
• 0
• 0
• 0
• 0
• 0
• 0
• 0