Pieršaj achviaraj vybaraŭ dy referendumu ŭ Voršy staŭ dyrektar SŠ №20 Uładzimier Juržyc.
Ledź ci nie na nastupny paśla 17 kastryčnika dzień jon niečakana padaŭ zajavu ab dobraachvotnym zvalnieńni z pasady. Jasnaha tłumačeńnia hetamu ŭčynku pedahahičny kalektyŭ dahetul nia maje. Ale kažuć, što hałoŭnaj pryčynaj raptoŭnaha sychodu stała hałasavańnie, dakładniej, jahonyja vyniki, na ŭčastkach, raźmieščanych u hetaj škole — samaj bujnoj u Voršy. Tak, na ŭčastku, kamisija jakoha była amal całkam sfarmavanaja z nastaŭnikaŭ SŠ №20, kandydat ad ułady — načalnica haradzkoha adździełu adukacyi Ludmiła Anikiejeva — nabrała amal stolki ž hałasoŭ, jak jaje hałoŭny supiernik Hienadź Anańjeŭ (AHP). Da taho ž, na pytańnie referendumu admoŭna adkazaŭ 761 čałaviek, u toj čas jak na susiednim učastku ŭ hetaj ža škole, kamisija jakoha była sfarmavanaja z rabotnikaŭ ilnokambinatu, adkazali «nie» na pytańnie referendumu nibyta ŭsiaho 119 vybarcaŭ. Darečy, škoła, jakoj apošnija hady jon kiravaŭ, adna z najlepšych u horadzie, a sam dyrektar raspracavaŭ kamputarnuju prahramu kiravańnia navučalnym pracesam, jakaja była rekamendavanaja dla ŭsioj krainy.
Jaŭhien Žarnasiek, Vorša
Čamu YouTube vydaliŭ kanały BiełTA, STB i ANT? Voś što viadoma11
Kamientary