Łukašenka praihnaravaŭ rasiejski pryz
Zdahadajciesia z troch razoŭ, čyja kamanda pieramahła na spabornictvach u honar aficyjnaha śviata niezaležnaści:)
Spačatku test na kiemlivaść. Zdahadajciesia z troch razoŭ, čyja kamanda pieramahła siońnia ŭ łyžarolernaj estafiecie na spabornictvach u honar aficyjnaha śviata niezaležnaści :-)) Małajcy, pravilna!
A ciapier — bolej pikantnaja navina. Łukašenka nie palacieŭ ŭ Rastoŭ, dzie ŭčora ładzilisia skački na pryz prezydenta Rasiei. Chacia niekatoryja medyi paśpiašalisia paviedamić, nibyta biełaruski prezydent nakiravaŭsia tudy ź Miensku razam z vysokim hościem — Uha Čavesam. Pucin ža zaprašaŭ na derbi jak venesuelca, tak i ŭsich lideraŭ SND.
Jak paviedamlała maskoŭskaja televizija, u Rastovie kramloŭski haspadar spałučaŭ pryjemnaje z karysnym. Pravioŭ niekalki sustrečaŭ, u pryvatnaści z Alijevym.
Badaj, majuć racyju analityki, jakija kažuć, što dla dyjalohu Pucina z Łukašenkam niama sfarmavanaha paradku dnia. Niadaŭni prylot u Miensk hałoŭnaha rasiejskaha dyplamata Łaŭrova mieŭ chutčej rytualny charaktar.
Miž tym maskoŭskija medyi nia tojać, što skački na pryz prezydenta Rasiei, jakim zaraz nadajuć tam značeńnie adnoj z najvažniejšych śvieckich imprezaŭ hodu, faktyčna jość rymejkam kolišniaha "Imperatarskaha pryzu". Tak što ihnaravańnie hetaha mierapryjemstva pry žadańni možna traktavać i jak vyklik imperskim tradycyjam :-) Nie patrebnyja nam zabavy ichniaje vialikaści, u nas svaja suverennaja łyžarolernaja trasa! :-)
Pucin ža, u svaju čarhu, vybraŭsia siońnia da Buša. Tam, na ranča, jany pasprabujuć znajści parazumieńnie ŭ pytańni PRA. Rasieja šmat fantanuje na hety kont, ale honku ŭzbrajeńniaŭ z Amerykaj nia vytrymaje. Tak što da "asymetryčnaha adkazu", jakomu hatovy niebieskaryśliva paspryjać Miensk, moža i nie dajści.
P.S. Try dni tamu rasiejski ministar Łaŭroŭ, uchilajučysia ad pytańnia, ci sustrenucca Pucin z Łukašenkam u Rastovie, adžartavaŭsia: "…Nu a chto pieramoža na skačkach, pahladzim". Na rastoŭskim ipadromie hetym razam vyjhraŭ, darečy, nie favaryt, a klasyčny "ciomny konik". U palityčnych derbi taksama byvaje pa-roznamu :-)
Kamientary