Universytet «Vijadryna» (z łac. — «nad Odraj») byŭ zasnavany na pačatku XVI st. i ciaham 300 hadoŭ byŭ adzinaj vyšejšaj navučalnaj ustanovaj ziamli Brandenburh. Ź jaho ścienaŭ vyjšli takija znakamitaści, jak braty Humbalty, Tomas Miuncer, Hienrych Klajst. U 1811 h. paśla adkryćcia ŭniversytetu ŭ Berlinie i sychodu ŭ pruskuju stalicu prafesaraŭ universytetu «Vijadryna» była začyniena.
Druhoje jaho adkryćcio adbyłosia ŭ 1991 hodzie. Heta ŭžo byli inšyja časy: nia stała žaleznaje zasłony, znoŭ adnaviŭ dziejnaść most, jaki złučaje niamiecki Frankfurt-na-Odry z polskim horadam Słubicy. Da vajny Słubicy byli zarečnym pradmieściem Frankfurtu.
Darečy, karpusy i internaty «Vijadryny», jakaja ciapier składajecca z troch fakultetaŭ — prava, ekanomiki, kulturalohii, — raźmiaščajucca abapał raki — i ŭ Niamieččynie, i ŭ Polščy.
A dziaržaŭnaja miaža na moście cieraz Odru dla hramadzian abjadnanaj Eŭropy symbaličnaja. Nieabchodna tolki pakazać pašpart abo paśviedčańnie kiroŭcy. Biełaruskija studenty, jakija vučacca ŭ Frankfurcie, a žyvuć u Słubicach, pakazvajuć tolki studencki bilet.
Navučańnie
Pryvitali studentaŭ byłoha EHU z usimi pašanami. Na vakzale ich sustreli z chlebam i sollu. Užo ŭ pieršy dzień biełarusy byli pryniatyja prezydentam universytetu (i kandydatkaj na prezydenta Niamieččyny na apošnich vybarach) Hiezinaj Švan i ober-burhamistram Marcinam Patceltam. «Ja vielmi ščaślivaja, što studenty EHU mohuć vučycca ŭ našym universytecie», — zajaviła padčas pryvitalnaj pramovy spn.Švan.
Poŭny varyjant artukułu čytajcie ŭ papiarovaj i pdf-versii haety "Naša Niva"
Nadzieja Hałubovič, Frankfurt-na-Odry
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary