Los histaryčnaha centru Miensku pa raniejšamu zastajecca adnoj z samych balučych našych nacyjanalnych prablemaŭ.
Dniami hrupa viadomych dziejačaŭ navuki j kultury nakiravała admysłovyja listy ŭ Administracyju prezydenta, prakuraturu, Kamitet dziaržkantrolu i niekatoryja mas-medyja. Siarod padpisantaŭ — architektary V.Aładaŭ, I.Ioda, M.Kožar, H.Patajeŭ, U.Traceŭski, mastactvaznaŭcy T.Habruś, A.Kułahin, filozafy E.Daraševič i U.Konan, a taksama historyki, dyzajnery, kulturolahi. U pryvatnaści, jany pišuć:
«…Na terytoryi histaryčnaha centru, nie zvažajučy na pryniatyja, u tym liku raniej, dakumenty ab jaho rekanstrukcyi, u parušeńnie zakanadaŭstva RB i narmatyŭnych aktaŭ, jakija rehlamentujuć horadabudaŭničuju dziejnaść, viadziecca aktyŭnaje raźmiaščeńnie i budaŭnictva bujnych handlovych kompleksaŭ, ofisnych zbudavańniaŭ i inšych novych abjektaŭ kamercyjnych arhanizacyj. Jość usie padstavy pryznać najaŭnaść supiarečnaściaŭ pravavoha, pracedurnaha i metadalahičnaha charaktaru pa raźmiaščeńni abjektaŭ na terytoryi, jakaja achoŭvajecca zakonam…
…Prykładaŭ padobnaha staŭleńnia da svajoj spadčyny niama nia tolki ni ŭ adnoj eŭrapiejskaj stalicy, ale i ni ŭ adnym viadomym histaryčnym horadzie śvietu…
…My tracim unikalnuju mahčymaść prafesijnaha i spakojnaha vyrašeńnia pytańniaŭ zachavańnia, rekanstrukcyi i raźvićcia histaryčnaha centru stalicy našaj krainy, abapirajučysia nia tolki na daskanała raspracavanyja siońnia restaŭracyjnyja metodyki i zakanadaŭstva, ale i ŭličvajučy vopyt i pamyłki dalokich i blizkich susiedziaŭ, jakija ŭžo zaviaršyli hetuju rabotu, a taksama svaje ŭłasnyja, što dazvolić nam zachavać i adnavić historyka-kulturnyja kaštoŭnaści na absalutna inšym jakasnym uzroŭni i što ŭ vyniku abjektyŭna vyviedzie našu krainu na kulturny imidžavy rejtynh cuśvietnaha maštabu».
Hetyja zvaroty — adkaz na plany rekanstrukcyi histaryčnaha centru Miensku pavodle prajektu instytutu «Mienskprajekt», jaki byŭ uchvaleny ŭładami. Aŭtary listoŭ spadziajucca na razumieńnie ŭ kiroŭnych kołach. Adkazu jany nie pryčakali. Ale hatovyja praciahvać zmahańnie.
SCH
Ciapier čytajuć
Aryštavali byłoha pamočnika Michaiła Miaśnikoviča2
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary