Kania zaśpieli na dopinhu
Mižnarodnaja federacyja konnaha sportu pazbaviła załatoha medala Atenskaj alimpijady irlandca Šona O'Konara. U kryvi kania spartoŭca Ŭotefarda Krystała byli znojdzieny ślady zabaronienych preparataŭ — flufazaninu i cyklapentyksołu. Irlandyja pazbaviłasia adzinaha «zołata» Alimpijady, a O'Konar prapuścić try miesiacy praz nakładzienuju dyskvalifikacyju. Ci buduć nakładzieny sankcyi na kania, nie paviedamlajecca.
Mienski finał
U finale Adkrytaha čempijanatu Biełarusi pa chakiei syšlisia staličnyja «Junactva» i «Kieramin». Pieršyja abyhrali ŭ paŭfinale mahiloŭskaje «Chimvałakno», druhija — kijeŭski «Sokał». Finalnaja seryja — da čatyroch pieramoh. Matčy 31 sakavika, 3, 4, 6, 8, 10 krasavika. Pieršy matč prajšoŭ u sieradu. Jak paviedamili «NN» u federacyi chakieju, usie hulni seryi projduć u Pałacy sportu na Mašerava. Pačatak u budnyja dni ŭ 18.30, u vychodnyja — u 13.00.
Letaś mienskija kluby taksama hulali ŭ finale, tady «Junactva» vyjhrała ź likam 3:0.
Dziudo pa-biełarusku
U minuły ŭik-end u Miensku i Talinie prajšli etapy Kubku śvietu pa dziudo. U horadzie nad Śvisłačču sabralisia spartoŭki z 12 krain. Dva załatyja medali zavajavali biełaruski — Taciana Maskvina (vahavaja katehoryja da 48 kh) i Julija Barysik (zvyš 78 kh). U Talinie prajšoŭ mužčynski mižnarodny turnir. Biełarusy taksama pryvieźli adtul dva pieršyja miescy — «zołata» zdabyli Siarhiej Šundzikaŭ (da 81 kh) i Alaksandar Šłyk (da 66 kh).
Šlacham Ernsta Rema
Ministerstva sportu Niamieččyny pakarała svaich futbolnych fanataŭ, jakija litaralna raźnieśli ŭ minułuju subotu horad Cele, dzie prachodziŭ tavaryski (!) matč miž zbornymi Słavienii j Niamieččyny, jaki skončyŭsia pieramohaj haściej — 0:1. «Učynki hetych chulihanaŭ — hańba dla našaj krainy. Sapraŭdnyja zaŭziatary miralubnyja i atrymlivajuć zadavalnieńnie ad futbołu», — zajaviŭ ministar sportu Ota Šyli.
AR
Kamientary