U sieradu adbylisia šeść ź siami matčaŭ dvanaccataha turu čempijanatu Biełarusi pa futbole.
U sieradu adbylisia šeść ź siami matčaŭ dvanaccataha turu čempijanatu Biełarusi pa futbole. Hulnia miž salihorskim «Šachcioram» i žodzinskim «Tarpeda» była pieraniesienaja na žnivień praz udzieł «harniakoŭ» u Kubku Intertota.
Chatni matč z «Homielem» staŭ pieršym na pasadzie hałoŭnaha trenera «Darydy» Ŭładzimiera Kurnieva. Zrazumieła, što hulni ad svajoj kamandy nastaŭnik vidavočna nie čakaŭ. Niepryjemnaści dla «mineralnych» pačalisia ŭžo na vośmaj chvilinie, kali z pola byŭ vydaleny abaronca Anton Rabcaŭ. Paśla hetaha Kobiec dvojčy vykarystaŭ pieravahu ŭ składach, a jašče paźniej u bramu «Darydy» pačało zalatać usio što tudy lacieła. Na 64-aj chvilinie lik staŭ 0:7. Zdavałasia b jašče kryšku i ličby na tablo stanuć dvuchznačnymi, ale «darydaŭcy» zmahli sabracca i adyhrać dva hały – 2:7. Takoha bujnoha paražeńnia ŭ sioletnim čempijanacie jašče nie było.
Ciapier «Daryda» razam ź «Mienskam» zamykaje turnirnuju tablicu. «Mieścičy» ž u svaju čarhu prajhrali ŭ «Niomanu» 1:3, dziakujučy hetaj pieramozie haradziency vyjšli na druhoje miesca.
Turnirnuju ž tablicu praciahvaje ŭznačalvać BATE. Barysaŭcy doma, dziakujučy dvum hałam Hienadzia Bliźniuka, pieramahli «Dniapro» - 2:0.
Astatnija matčy turu prynieśli nastupnyja vyniki: «Smurhoni» – «Dynama» (Miensk) 0:1, «Viciebsk» – MTZ-RIPA 0:0, «Dynama» (Bieraście) – «Naftan» 0:0.
Turniranaja tablica paśla dvanaccaci turaŭ vyhladaje nastupnym čynam: BATE – 30 punktaŭ, «Nioman» – 23, MTZ-RIPA – 22, «Homiel» – 21, «Tarpeda» – 20, «Šachcior», «Dynama» (Miensk) – pa 15, «Smurhoni» – 14, «Viciebsk», «Dynama» (Bieraście) – pa 13, «Naftan» – 12, «Dniapro» – 10, «Daryda», «Miensk» – pa 8.
Najlepšy bambardzir Raman Vasiluk («Homiel») – 15 hałoŭ.
Kamientary