Украінская дэлегацыя ў сераду, 4 снежня, павінна адбыць у Брусэль для правядзення перамоў аб падрыхтоўцы да падпісання Пагаднення аб асацыяцыі паміж Украінай і Еўрапейскім Саюзам.
Пра гэта гаворыцца ў заяве прэм’ер-міністра Мікалая Азарава, якая размешчана на сайце ўрада.
«Заўтра наша дэлегацыя паедзе ў Брусэль, і мы працягнем перамовы, якія дазволяць падпісаць Пагадненне аб еўрапейскай інтэграцыі на выгадных для Украіны ўмовах. Пра гэта дамовіўся прэзідэнт і цяпер гэтая дэлегацыя фармуецца», — адзначыў Азараў.
Чакаецца, што дэлегацыю ўзначаліць віцэ-прэм'ер-міністр Сяргей Арбузаў.
Адначасова ўрад мае намер накіраваць дэлегацыю ў Маскву.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары