Украінская дэлегацыя прыбыла ў Вашынгтон для перамоваў з адміністрацыяй Трампа
Высокапастаўленыя прадстаўнікі ўрада Украіны прыбылі ў Вашынгтон, каб абмеркаваць з ЗША падтрымку ў вайне супраць Расіі. Пра гэта паведаміў кіраўнік офіса прэзідэнта Украіны Андрэй Ярмак у сваіх сацсетках.
З ягоных слоў, украінская дэлегацыя мае намер казаць аб вайсковай дапамозе, сітуацыі на фронце і ўзмацненні санкцый супраць Расіі.
У склад дэлегацыі таксама ўвайшлі міністр эканомікі Юлія Свірыдзенка і прадстаўнікі Мінабароны Украіны.
Як адзначыў Ярмак, украінцы плануюць сустрэцца як з прадстаўнікамі Рэспубліканскай і дэмакратычнай партый, так і з камандай Дональда Трампа.
Асобнай тэмай перамоваў стане вяртанне ўкраінскіх дзяцей, якіх Расія, па сцвярджэнні Кіева, незаконна ўтрымлівае на акупаваных тэрыторыях або вывезла на сваю тэрыторыю.
Каментары