Беларускія праграмісты не ўдзельнічалі ў стварэнні парталу амерыканскага ўрада
Праграмісты з Беларусі не ўдзельнічалі ў стварэнні камп'ютарнай сістэмы рэформы аховы здароўя ЗША, паведамляе Reuters са спасылкай на прадстаўніка Нацыянальнага савета па бяспецы ЗША Кэйтлін Хэйдэн.
Інфармацыя аб тым, што беларускія праграмісты ўдзельнічалі ў распрацоўцы праекта HealthCare.gov, з'явілася 3 лютага на сайце freebeacon.com. Паводле звестак партала, службы разведкі ЗША паведамілі аб гэтым у адміністрацыю прэзідэнта Барака Абамы на мінулым тыдні і папрасілі праверыць сістэму на наяўнасць шкодных праграм.
Увагу спецслужбаў прыцягнула інтэрв'ю кіраўніка Парка высокіх тэхналогій Валерыя Цапкалы, якое выйшла ў эфір радыё «Голас Расіі» яшчэ 25 чэрвеня 2013 года. Тады Цапкала заявіў: «Адзін з нашых кліентаў — Міністэрства аховы здароўя Злучаных Штатаў, нам плацяць за дапамогу Абаме з рэформай аховы здароўя».
Асцярогі разведкі выклікала магчымая ўразлівасць сістэмы для кібератак у выпадку ўдзелу ў яе распрацоўцы праграмістаў, звязаных з уладамі Беларусі.
4 лютага Кэйтлін Хэйдэн пацвердзіла, што амерыканскія спецслужбы нядаўна выпусцілі, а затым адклікалі справаздачу, звязаную з магчымым удзелам беларускай кампаніі ў распрацоўцы праграмнага забеспячэння.
Паводле слоў Хэйдэн, спецыялісты Міністэрства аховы здароўя і сацыяльных службаў ЗША «не знайшлі прыкмет таго, што нейкія праграмы былі створаны ў Беларусі».
Кампанія CGI Federal, галоўны падрадчык для праекта HealthCare.gov, у сваю чаргу апублікавала ў сувязі з гэтым наступную заяву: «Падчас сваёй работы над HealthCare.gov CGI ніколі не прыцягвала у якасці субпадрадчыка прадпрыемствы або спецыялістаў з Беларусі, і з мінскага Парка высокіх тэхналогій у прыватнасці. Уся работа для HealthCare.gov CGI выканана ў Злучаных Штатах».
Паводле звестак Lenta.ru, сайт HealthСare.gov, прызначаны для пошуку і куплі медыцынскай страхоўкі, быў запушчаны 1 кастрычніка 2013 года ў межах рэформы аховы здароўя, якую праводзіць адміністрацыя Барака Абамы. На распрацоўку партала спатрэбілася тры гады і прыблізна 292 мільёны долараў.
-
Кароткія тэксты ад штучнага інтэлекту замест спасылак — Google запусціў новую сістэму пошуку
-
Samsung збіраецца паставіць на смартфонах яшчэ адзін штучны інтэлект, акрамя Gemini
-
«Абсалютна нечаканыя і невытлумачальныя падзеі адбываюцца цяпер каля Зямлі». Выбух сонечнай плазмы паказвае рэкордную хуткасць
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары