9 лістапада ў Гомельскім абласным судзе пачаўся разгляд крымінальнай справы аб забойстве трох чалавек.
У кастрычніку 2014 года ў лясным масіве блізу Жлобіна быў знойдзены згарэлы аўтамабіль з фрагментамі трох абгарэлых цел. Была распачатая крымінальная справа. У жорсткім забойстве мужа, жонкі і іх старэйшага сына абвінавачваюцца малодшы сын і сужыцелька забітага.
Паводле папярэдняй інфармацыі, у цыганскай сям'і жылі пяць дарослых з дзецьмі — двое братоў, іх бацькі і нявестка, жонка старэйшага брата. Паміж малодшым братам і нявесткай узнікла сувязь, аднак бацькі, даведаўшыся аб гэтым, выказалі сваё непрыняцце гэтай сітуацыі. Тады маладыя людзі вырашылі пазбавіцца ад сваякоў. Пара вырашыла забіць бацькоў і старэйшага брата, адвезці на аўтамабілі ў лес і спаліць, каб схаваць сляды злачынства.
Судовае пасяджэнне паводле хадайніцтва абвінавачаных пройдзе ў закрытым рэжыме. Абвінавачаныя — Аляксандр і Рубіна, абодва 1992 года нараджэння. Падаючы хадайніцтва аб правядзенні працэсу ў закрытым рэжыме, Рубіна растлумачыла просьбу тым, што «гэта тычыцца іх асабістага жыцця». Аляксандр матываваў тым, што ён не можа даваць паказанні ў прысутнасці сваякоў, хаця яны прызнаныя пацярпелымі і ў любым выпадку будуць прысутнічаць на судзе.
Аляксандр жанаты, у яго трое непаўналетніх дзяцей, 2009, 2010 і 2011 гадоў нараджэння. У Рубіны і забітага старэйшага брата двое дзяцей, 2009 і 2014 гадоў нараджэння. Над дзецьмі апеку ўстанавіла маці Рубіны.
Абвінавачаныя раней не судзімыя, маюць адукацыю шэсць класаў.
Пацярпелымі прызнаныя сястра і брат загінулых.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары