Павел Дураў сказаў, што не будзе выдаваць расійскім спецслужбам дадзеныя на карыстальнікаў Telegram-а
Заснавальнік мэсенджэра Telegram Павел Дураў заявіў, што пагроза блакавання на «адным або двух рынках» не паўплывае на палітыку прыватнасці кампаніі, паколькі дадатак папулярны «сярод дзесяткаў мільёнаў карыстальнікаў на дзясятках рынкаў».
Па словах Дурова, Telegram не будзе выдаваць трэцім бакам асабістыя дадзеныя карыстальнікаў і ключы шыфравання. Доступ расейскіх праваахоўных органаў да асабістай перапіскі, на яго думку, можа прывесці да з'яўлення «чорнага рынку асабістых дадзеных».
Аб магчымым закрыцці Telegram-а ў выпадку адмовы выдаць уладам ключы шыфравання раней заявіў бізнесмэн Герман Кліменка, прызначаны дарадцам прэзідэнта РФ па пытаннях развіцця інтэрнэту. У інтэрв'ю «Дождю» ён сказаў, што Telegram «у любым выпадку папросяць адкрыць доступ і коды ў Амерыцы, і ў Францыі, і ў выпадку адмовы ён будзе зачынены».
-
Кароткія тэксты ад штучнага інтэлекту замест спасылак — Google запусціў новую сістэму пошуку
-
Samsung збіраецца паставіць на смартфонах яшчэ адзін штучны інтэлект, акрамя Gemini
-
«Абсалютна нечаканыя і невытлумачальныя падзеі адбываюцца цяпер каля Зямлі». Выбух сонечнай плазмы паказвае рэкордную хуткасць
Каментары