У падземным пераходзе станцыі метро «Плошча Якуба Коласа» мужчына зайшоў у краму жаночых сумак і зняў з вітрыны адну з іх, пасля чаго кінуўся наўцёкі, паведамляе тэлеграм-канал «Міліцыя Мінска».
Прадавачка спачатку спрабавала сама дагнаць злодзея, а калі не змагла — выклікала міліцыю.
Аператыўнікі ўстанавілі асобу фігуранта і па гарачых слядах затрымалі яго па месцы жыхарства. Мужчына схаваў выкрадзеную сумку, плануючы праз некаторы час падарыць яе жонцы.
Вядома, што мужчына раней да крымінальнай адказнасці не прыцягваўся, аднак нідзе не працуе.
Сумка канфіскавана і будзе вернута законным уладальнікам.
Заведзена крымінальная справа за рабаванне.
Цяпер чытаюць
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары