Харкаў трапіў пад масіраваную атаку: 40 выбухаў, пажары, ёсць загінулыя і параненыя
У ноч на 7 чэрвеня расійскія войскі нанеслі па Харкаве ўдары ракетамі, дронамі і КАБамі. Зафіксаваныя траплянні па жылых дамах і грамадзянскім прадпрыемстве. Цяпер вядома пра аднаго загінулага і 14 параненых, сярод іх дзеці. Бушуюць пажары, піша «Украінская праўда».
«У горадзе серыя выбухаў. У Кіеўскім раёне Харкава зафіксавана траплянне БПЛА тыпу «шахед» у цывільнае прадпрыемства. У выніку атакі ўзнік моцны пажар», — паведаміў мэр горада Ігар Церахаў.
Пазней гарадскі галава паведаміў пра яшчэ адно траплянне — у цэнтральнай частцы горада.
Начальнік Харкаўскай АВА Алег Сінягубаў паведаміў пра траплянне шасці расійскіх БПЛА па тэрыторыі цывільнага прадпрыемства. Таксама «прылёты» зафіксаваныя ў Аснавянскім раёне. Паводле папярэдняй інфармацыі, ёсць пацярпелыя», — паведаміў Сінягубаў.
«Больш за дзесяць «Шахедаў» ударылі па горадзе, ёсць папярэдняя інфармацыя пра некалькі трапленняў ракет і КАБаў. Ёсць папярэднія дадзеныя пра пацярпелых. У Аснавянскім раёне зафіксавана траплянне ў шматпавярховы жылы дом. Ёсць пажар», — дадаў Ігар Церахаў.
У жылым доме ў цэнтры горада гараць кватэры з 6-га па 9-ы паверх. Паводле папярэдняй інфармацыі, пад заваламі ў кватэрах знаходзяцца людзі.
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай1
Каментары