У інтэрв'ю «Гомельскай праўдзе» супрацоўнік Следчага камітэта па Гомельскай вобласці Сяргей Кузьмічоў расказаў пра людзей, якія трапляюць пад артыкул 157 КК РБ аб свядомым заражэнні чалавека вірусам імунадэфіцыту.
Паводле сілавіка, часта такія людзі злоўжываюць алкаголем, не маюць працы і адукацыі і жывуць на вёсцы.
Адзін з найбольш дзіўных выпадкаў адбыўся ў Жыткавіцкім раёне. 36-гадовая жанчына прыехала туды са Светлагорска і пачала жыць з 61-гадовым беспрацоўным мужчынам. Да таго часта заходзіў ягоны 83-гадовы дзядзька. Аднойчы пасля сумеснага распіцця алкаголю маладзейшы мужчына пайшоў спаць, а старэйшы запрасіў жанчыну да сябе, і там у іх адбылася інтымная сувязь.
Пасля таго жанчына працягвала інтымныя адносіны з абодвума пажылымі мужчынамі, пакуль у старэйшага з іх не пагоршылася здароўе. У бальніцы ў яго выявілі ВІЧ. Праводзячы праверку, міліцыя ўстанавіла, што менавіта Аксана магла быць крыніцай заражэння. Прытым высветлілася, што яна ведала пра свой ВІЧ-стан яшчэ з 2002 года, але нічога не казала партнёрам і не прымала ніякіх мер засцярогі.
Аднак жа абодва яе кавалеры не пажадалі пісаць на жанчыну заяву — даравалі ёй і працягнулі адносіны далей.
У выніку жанчына абышлася толькі трыма гадамі абмежавання волі без накіравання ў калонію.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі9
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
Калі ніхто нічога не пісаў?