Стартап рабіў выгляд, што ён распрацаваў штучны інтэлект. Насамрэч, ён наняў 700 праграмістаў і яны стваралі прадукты ўручную
Калі махлярства выявілася, адбылося гучнае банкруцтва.
Вялікая лонданская кампанія Builder.ai, якая некалі каштавала 1,5 мільярда долараў і мела падтрымку такіх гігантаў, як Microsoft, аб'явіла пра банкруцтва. Прычынай стала выкрыццё кампаніі ў тым, што яна ўводзіла ў зман інвестараў адносна сваіх магчымасцяў у галіне штучнага інтэлекту. Builder.ai выкарыстоўвала каля 700 індыйскіх праграмістаў, якія ўручную пісалі код для праграм, у той час як кампанія рэкламавала іх як згенераваныя штучным інтэлектам прадукты.
Калі праўда выйшла наяў, кампанія стала аб'ектам увагі праваахоўных органаў. Выкрыццё паказала, што тэхналогія кампаніі была ў значнай ступені ілюзіяй.
Ужо ў 2019 годзе The Wall Street Journal выяўляў сумнеўныя заявы Builder.ai пра ШІ, падкрэсліваючы, што платформа моцна залежыць ад чалавечых рук. Былыя супрацоўнікі апісвалі кампанію як «усё інжынеры, ніякага ШІ».
Крах Builder.ai адбыўся ў маі 2025 года, калі крэдытор Viola Credit арыштаваў 37 мільёнаў долараў з рахункаў кампаніі, выявіўшы, што стартап завысіў свае прагнозы па даходах на 2024 год на 300%.
Гэты інцыдэнт падкрэслівае, колькі махлярстваў цяпер у сферы стартапаў, якія ствараюцца на хвалі моды на штучны інтэлект —кампаніі пераафармляюць звычайныя тэхналагічныя паслугі пад маркай штучнага інтэлекту, каб прыцягнуць інвестыцыі ў цяперашні бум ШІ.
У выніку краху Builder.ai засталася віннай 85 мільёнаў долараў Amazon і 30 мільёнаў долараў Microsoft за паслугі воблачных вылічэнняў, а тысяча супрацоўнікаў страцілі працу. Кампанія цяпер праходзіць працэдуру банкруцтва ў Вялікабрытаніі, Індыі і ЗША, піша The Times of India.
Гэта самы гучны правал ШІ-стартапа з моманту запуску ChatGPT, які выклікаў сусветны інвестыцыйны ажыятаж.
Кароткія тэксты ад штучнага інтэлекту замест спасылак — Google запусціў новую сістэму пошуку
Samsung збіраецца паставіць на смартфонах яшчэ адзін штучны інтэлект, акрамя Gemini
«Цяпер зброя вайны — клавіятура». Брытанія выдаткуе 1 мільярд фунтаў на мадэрнізацыю кібервойскаў
Беларускі IT-мільянер Гурскі: Маю першую жонку забіў гемблер
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары