Сусветная арганізацыя ЮНЕСКА ўключыла індыйскую філасофію ёгі ў спіс нематэрыяльных аб'ектаў сусветнай спадчыны, піша ВВС.
Як падкрэсліваецца ў заяве ЮНЕСКА, у спіс уключаная не сама практыка ёгі, а менавіта філасофія, што стаіць за ёй, якая паўплывала на індыйскае грамадства «ў розных аспектах, ад здароўя і медыцыны да адукацыі і мастацтва».
«Створаная для таго, каб дапамагчы людзям усвядоміць сябе, палегчыць іх пакуты і дапамагчы ім дасягнуць стану свабоды, [ёга] практыкуецца маладымі і пажылымі людзьмі, без дыскрымінацыі па прыкмеце полу, класа, або рэлігіі», — гаворыцца ў заяве ЮНЕСКА.
Акрамя ёгі, у спіс увайшлі бельгійская піўная культура, міжземнаморская дыета, пекінская опера і перуанскі танец нажніц.
Спісу нематэрыяльных аб'ектаў культурнай спадчыны ЮНЕСКА 10 гадоў. Рашэнне аб яго папаўненні было прынята на сустрэчы прадстаўнікоў арганізацыі ў Адыс-Абебе.
Каментары