Сантэхнікі Мінска хутка будуць працаваць не з 9:00 да 17.00, а ў дзве змены, каб жыхарам сталіцы не прыйшлося адпрошвацца з працы для ліквідацыі «цякучых» праблем.
Перавесці службы сантэхнікаў, а заадно і слесараў на двухзменны рэжым працы запатрабаваў памочнік прэзідэнта — галоўны інспектар па горадзе Мінску Аляксандр Якабсон падчас нарады ў мэрыі, паведамляе «Ежедневнік».
«Незразумела, чаму ў ЖЭС слесары-сантэхнікі працуюць з 9:00 да 17:00, калі людзі на працы. Кватаранту трэба альбо адпрошвацца з працы, альбо дамаўляцца з тым жа слесарам-сантэхнікам пасля працоўнага дня і плаціць яму асабіста. Гэта непрымальна. Служба сантэхнікаў павінна працаваць у 2 змены і аператыўна закрываць заяўкі жыхароў», — запатрабаваў Аляксандр Якабсон.
Калі сантэхнікаў і слесараў ЖЭСаў перавядуць на двухзменны рэжым працы, пакуль не ўдакладняецца. Для выканання патрабаванняў Якабсона сталічнаму ЖКГ спатрэбіцца яшчэ вырашыць пытанне з кадрамі, бо сантэхнікаў і слесараў у сталічных ЖЭСах бракуе.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары