Свет77

Іран пагражае перакрыць Армузскі праліў пасля ўдараў ЗША па ядзерных аб'ектах

За прапанову аб закрыцці Армузскага праліва, ключавога марскога калідора для сусветных паставак нафты, у нядзелю прагаласаваў парламент Ірана.

Ілюстрацыйнае фота

Нагодай сталі авіяўдары, якія напярэдадні ноччу былі нанесены ЗША па асноўных ядзерных аб’ектах краіны, перадае дубайскае выданне Gulf News.

Канчатковае рашэнне аб закрыцці пратоцы павінна прыняць Вышэйшая рада нацыянальнай бяспекі Ірана.

Гэта галасаванне, якое апісваецца як сімвалічнае, але палітычна значнае, адлюстроўвае рост ціску на іранскае кіраўніцтва з мэтай адказаць на тое, што афіцыйныя асобы ў Тэгеране назвалі «абуральным актам агрэсіі» з боку ЗША і іх саюзнікаў.

«Парламент пераважнай большасцю галасоў прагаласаваў за санкцыянаванне закрыцця праліву», — паведамілі дзяржаўныя інфармагенцтвы са спасылкай на дэпутатаў Меджліса.

Цяпер гэтая мера чакае разгляду ў Вышэйшай радзе нацыянальнай бяспекі — найвышэйшым органе краіны па пытаннях абароны і бяспекі, які мае апошняе слова ў падобных дзеяннях.

Армузскі праліў з космасу. Фота: Wikimedia Commons

Праз Армузскі праліў — вузкую артэрыю, якая злучае Персідскі і Аманскі залівы — праходзіць транзіту прыкладна пятай часткі сусветных нафтапаставак. Любы збой у працы можа мець сур’ёзныя наступствы для глабальных энергетычных рынкаў, асабліва для буйных імпарцёраў, такіх як Кітай, Індыя і краіны Еўропы.

Сусветныя цэны на нафту рэзка выраслі ў другой палове дня ў нядзелю — ф'ючарсы на Brent павысіліся больш чым на 9%, дасягнуўшы ўзроўняў, якіх не было з канца 2022 года.

Іранскія ўлады падкрэсліваюць, што галасаванне не азначае неадкладнае закрыццё, але надае паўнамоцтвы для такога дзеяння ў межах абароннай стратэгіі.

«Адзін з відавочных варыянтаў адказу Ірана на знешнюю агрэсію — гэта закрыццё Армузскага праліва. Мы будзем дзейнічаць, калі надыдзе патрэбны час», — заявіў дэпутат парламента і член камітэта па нацыянальнай бяспецы Махамад Хасан Асфары

Белы дом адмовіўся ад прамых каментароў наконт галасавання, але высокапастаўлены прадстаўнік адміністрацыі паведаміў, што ЗША «ўважліва сочаць за сітуацыяй» і «прынялі меры для забеспячэння свабоднага гандлю ў рэгіёне».

Каментары7

  • Лёлік з-пад Лімасола
    22.06.2025
    Іранскі парламент прагаласаваў за знішчэнне свайго флота
  • Австрияк
    22.06.2025
    Да перекрывайте уже. Уже раза три грозили. Перекрывайте, итог увидим быстро

    [Зрэдагавана]
  • Магура і малюк
    22.06.2025
    Лёлік з-пад Лімасола, У Украіны няма флоту, але гэта не перашкодзіла перакрыць самае Чорнае мора;))

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць