Айцішнік Аляксей Камок, якому нядаўна Вярхоўны суд на траціну скараціў тэрмін, у ноч на 30 снежня выйшаў на волю. Пра гэта TUT.BY паведамілі некалькі крыніц. Навіну пацвердзіла яго мама, Любоў Камок.
«Мы звярталіся ва ўсе інстанцыі: судовыя органы, генеральную пракуратуру і нават да прэзідэнта, бо былі не згодныя з прысудам. У выніку ўсіх нашых зваротаў прысуд быў зменены, а ў далейшым, паводле ўказа кіраўніка краіны, мой сын быў памілаваны. На сённяшні дзень прэтэнзій з боку дзяржавы да майго сына няма. Я хачу сказаць вялікі чалавечы дзякуй перш за ўсё прэзідэнту Рэспублікі Беларусь і іншым службовым асобам, якія не засталіся абыякавыя да лёсу майго сына і аб'ектыўна ва ўсім разабраліся, у выніку чаго мой сын вярнуўся дадому. Лёша жывы і здаровы і мы вельмі рады сустрэць Новы Год разам!», — сказала Любоў Аляксееўна.
Сам Аляксей ад каментароў адмовіўся. Віну сваю па арт. 233 ч3 і арт. 343 ён не прызнаў.
Як раней паведамлялася, у канцы лістапада Вярхоўны суд у наглядным парадку змяніў прысуд Камку, знізіўшы тэрмін з 6 гадоў ўзмоцненага рэжыму да 4 гадоў агульнага.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў9
Каментары