З’явілася новая прылада для сэлфі: замест сэлфі-палак — сэлфі-дроны
Падчас штогадовай Міжнароднай выставы спажывецкай электронікі ў Лас-Вегасе аўстралійская кампанія Roam-E прадставіла новы прадукт, які неўзабаве зможа замяніць традыцыйныя сэлфі-палкі.
Першая ў свеце лятаючая сэлфі-камера робіць здымкі з паветра. Працуе новая прылада не толькі ў памяшканнях, але і на вуліцы. З пераносам дрона праблем не ўзнікае. Roam-E мае складныя лопасці, і прыладу можна пакласці ў невялікую сумку. Пачаць карыстацца сэлфі-дронам таксама вельмі проста: ён не патрабуе ніякай зборкі.
Кіраваць прыладай можна з дапамогай спецыяльнага мабільнага дадатку. Гэты ж дадатак дазваляе адразу дзяліцца вашымі здымкамі ў сацыяльных сетках, а таксама рабіць стрымы з прамым эфірам адразу ў Facebook. Камера на дроне мае функцыю распазнавання твараў. Прыладу можна наладзіць такім чынам, каб яна рухалася следам за пэўнай асобай і яе здымала.
Зараду батарэі Roam-E хапае прыкладна на 20 хвілін палёту. 8-мегапіксельная камера з вялікай колькасцю рэжымаў дазваляе рабіць фотаздымкі з разрозненнем 1080p, а відэазапісы — 720p. Таксама дрон здымае панарамныя 360-градусныя фоты.
Цана сэлфі-дрона — 499 долараў.
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў77
Каментары