У беларускіх крамах з'явіўся прадукт «Дубай». Падобны да марозіва, але не зусім яно
У Беларусі з’явіўся новы замарожаны дэсерт пад назвай «Дубай». Ён ужо прадаецца ў мінскіх крамах, і журналісты Blizko.by вырашылі яго пакаштаваць.
Назва «Дубай» не выпадковая — апошнім часам у свеце стаў модным дубайскі шакалад з хрумсткай фісташкавай начынкай. На гэтай хвалі папулярнасці і з’явіўся беларускі дэсерт з падобнай ідэяй, хоць сам шакалад у яго склад не ўваходзіць.
Афіцыйна прадукт называецца не марозівам, а «замарожаным фісташкавым дэсертам у глазуры». У склад дэсерту ўваходзяць малако, вада, глазура з какосавым і рапсавым алеем, цукар, фісташкі, кунжут і іншыя кампаненты. А асобна згадваецца абсмажанае цеста «Катаіфі», у якім таксама ёсць фісташкі. Гэтае цеста часта выкарыстоўваюць ва ўсходніх дэсертах, яно нагадвае тонкія ніткі.
Адносна смаку меркаванні журналістаў аказаліся рознымі.
Некаторым дэсерт вельмі спадабаўся — яны адзначылі насычаны фісташкавы смак, цікавую тэкстуру і прыемнае хрумсценне цеста. Адзначалася, што дэсерт незвычайны, смачны і ён «навінка, якую хочацца купіць зноў».
Іншыя крытыкавалі за прадукт за залішнюю тлустасць і непрыемны прысмак, камусьці не спадабалася «хімічнасць» глазуры, а хтосьці зусім не адчуў смаку самога марожанага.
Былі і нейтральныя водгукі — дэсерт не выклікаў захаплення, але спадабаўся сваёй арыгінальнасцю.
Беларуска распачала чэлендж: выдаткоўваць на ежу толькі $20 на месяц. Што атрымалася?
У свеце дэфіцыт фісташак — усё праз модны дэсерт
Следам за дубайскім шакаладам у Беларусь прыходзяць «анёльскія валасы»
«Людзі хочуць класічнае. Навошта прыдумваць іншае?» Беларуска ў Варшаве пячэ торты і пірожныя са смакам, як у дзяцінстве
Каментары
Или хотя бы эскимо «Молочный мир» в шоколадной глазури из сливочного масла.