Лукашэнку прапанавалі здабываць рэдказямельныя элементы з прамысловых адкідаў
Міністэрства прыродных рэсурсаў Беларусі прапанавала выкарыстаць расійскі вопыт у здабыванні рэдказямельных металаў з прамысловых адкідаў. Пра гэта паведаміў кіраўнік ведамства Сяргей Масляк на нарадзе ў Аляксандра Лукашэнкі, прысвечанай пытанням абыходжання з адкідамі.
Прэм’ер-міністр Аляксандр Турчын патлумачыў, што адкіды ў Беларусі дзеляцца на прамысловыя і бытавыя. Асабліва шмат прамысловых адкідаў назапашана на «Беларуськаліі» і Гомельскім хімічным заводзе. Паводле яго слоў, яны цяпер ніяк не перапрацоўваюцца.
За 2024 год у Беларусі ўтварылася 60 мільёнаў тон адкідаў, з іх 56 мільёнаў — прамысловыя. 70% з іх — гэта фосфагіпс (больш за 26 мільёнаў тон ад Гомельскага хімзавода) і галітавыя адкіды з «Беларуськалія».
У Расіі ўжо распрацавалі тэхналогіі, якія дазваляюць здабываць рэдказямельныя элементы з фосфагіпсу. У Беларусі прапануецца вывучыць, ці можна прымяніць гэты вопыт.
У адной тоне фосфагіпсу, як сцвярджае Сяргей Масляк, ёсць каля 0,5% рэдказямельных металаў, акрамя таго, атрымліваецца і штучны гіпс, які, магчыма, нават лепшы за прыродны.
Масляк прапанаваў даручыць Акадэміі навук вывучыць расійскі вопыт і, калі гэта будзе мэтазгодна, паставіць адпаведнае абсталяванне на Гомельскім хімзаводзе. У будучыні можна будзе прыняць рашэнне і пра будаўніцтва завода для здабычы рэдказямельных элементаў у большым аб'ёме.
Паводле яго слоў, такі прадукт можа стаць экспартна прывабным і заняць сваю нішу для Беларусі.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары