Вядучы тэлеканала Fox News Біл О'Райлі падчас размовы з Дональдам Трампам назваў прэзідэнта РФ Уладзіміра Пуціна забойцам. Вытрымкі з яшчэ не паказанага інтэрв'ю апублікаваныя на сайце тэлеканала.
Паводле інфармацыі выдання, падчас размовы Трамп чарговы раз заявіў, што паважае Пуціна. У адказ вядучы заўважыў: «Але ж ён забойца».
«Забойцаў шмат, — адказаў на гэта Трамп. - У нас таксама шмат забойцаў. Думаеце, наша краіна такая нявінная?»
Дональд Трамп заключыў, што Расіі і ЗША лепш мець добрыя адносіны, і калі Расія гатовая дапамагчы Амерыцы ў галоўнай барацьбе - з ІД і ісламскім тэрарызмам - то гэта добра.
Як адзначае The Washington Post, у 2015 годзе Трамп ўжо адказваў падобным чынам на абвінавачванні ў адрас Уладзіміра Пуціна. Тады ў гутарцы з ім вядучы MSNBC заявіў, што Пуцін «забівае журналістаў, якія з ім нязгодныя». Мільярдэр адказаў: «Я думаю, што наша краіна таксама шмат каго забівае».
Інтэрв'ю Дональда Трампа тэлеканалу Fox News будзе паказана ў ноч на 6 лютага
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары