Вядомы эксперт па эканамічных пытаннях Вадзім Іосуб атрымаў апавяшчэнне пра тое, што яго блог у сацыяльнай сетцы Livejournal заблакаваны на тэрыторыі Расіі па патрабаванні Генпракуратуры РФ. Падставай для блакавання паслужыла перадрукоўка рэпартажу Дзмітрыя Галко з пасёлка Пяскі пад Данецкім аэрапортам.
Як стала вядома «Белпартызану», сёння, 3 красавіка, эксперт атрымаў ад LiveJournal Abuse Prevention Team ліст наступнага зместу:
«Паважаны карыстальнік iossub,
Паведамляем вам як ўладальніку блога http://iossub.livejournal.com аб абмежаванні аператарамі сувязі на тэрыторыі Расійскай Федэрацыі доступу да вашага інфармацыйнага рэсурсу http://iossub.livejournal.com на падставе патрабавання Генеральнай пракуратуры ад 2015/03/12 № 27-31- 2015 / Ид831-15 у сувязі з размяшчэннем па адрасе http://iossub.livejournal.com/181980.html інфармацыі, якая ўтрымлівае заклікі да масавых беспарадкаў, ажыццяўлення экстрэмісцкай дзейнасці ці ўдзелу ў масавых (публічных) мерапрыемствах, якія праводзяцца з парушэннем устаноўленага парадку.
Інфармуем вас, што вы маеце права выдаліць інфармацыю, якая змяшчае заклікі да масавых беспарадкаў, ажыццяўлення экстрэмісцкай дзейнасці, удзелу ў масавых (публічных) мерапрыемствах, якія праводзяцца з парушэннем устаноўленага парадку, і накіраваць апавяшчэнне пра гэта ў Федэральную службу па наглядзе ў сферы сувязі, інфармацыйных тэхналогій і масавых камунікацый, па адрасе 398-fz@rkn.gov.ru, паказаўшы ў тэме ліста ідэнтыфікатар запісу 51535-HB, з мэтай правядзення праверкі і аднаўлення доступу пры пацвярджэнні факту выдалення».
Рэпартаж Дзмітрыя Галко аб удзеле ў баях пад Данецкім аэрапортам «Правыя падраздзяленні сектара» быў напісаны і апублікаваны восенню 2014 года. Заўважым, што якіх-небудзь заклікаў да «масавых беспарадкаў і ажыццяўлення экстрэмісцкай дзейнасці» ён не ўтрымліваў.
Блог самога журналіста таксама заблакаваны па рашэнні Генпракуратуры РФ, Дзмітрый Галко атрымаў сёння ад LiveJournal Abuse Prevention Team аналагічнае паведамленне.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары