Амерыканскія навукоўцы знайшлі ў бурштыне сем цэлых узораў кветак, якія існавалі адначасова з дыназаўрамі.
Памер кветак вагаецца ад 3,4 да 5 мм. Даследчыкі з Універсітэта штата Арэгон далі знаходцы назву Tropidogyne pentaptera, грунтуючыся на форме кветкі: penta у перакладзе з грэцкае азначае «пяць», а ptera — «крыло».
Даследаванне было апублікаванае ў часопісе Paleodiversity.
Кветкі захаваліся ў выдатным стане, бо застылі ў бурштыне. Аўтары працы мяркуюць, што дыназаўры маглі збіць галіны, на якіх яны раслі, і кветкі ўпалі ў смалу дрэва араўкарыя. Гэтыя дрэвы — продкі дрэў кауры (Agathis australis), якія растуць у Аўстраліі і Новай Зеландыі.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары