Шырока разышлося фота з мужчынскага туалета адноўленага стадыёна «Дынама». Відаць незвычайны дызайнерскі падыход — два пісуары прымацаваны ў кутку так, што наўрад ці іх можна выкарыстоўваць адначасова, не парушаючы сваю і чужую зоны камфорту.
Дырэктар стадыёна «Дынама» раней пералажыў адказнасць за дызайнерскае рашэнне на архітэктараў «Мінскпраекта».
А што кажуць там?
«Наша Ніва» звязалася з архітэктарам, які курыраваў стадыён «Дынама», Віталём Руцкім.
«Мы пашукалі дакументацыю, знайшлі санвузел, знайшлі расстаноўку прылад… Але не ведаем, ці адпавядае гэта таму, што насамрэч. Там, сапраўды, стаіць у кутку два пісуары, але на якой адлегласці… не зразумела. Усё роўна, тыя, хто праектаваў… ужо не засталося ніводнага чалавека ў нашым інстытуце. Куды сыходзяць? Туды, дзе грошай больш плацяць», — сказаў Руцкі.
Таксама ён сказаў, што тут можа быць віна забудоўшчыка.
«Я не памятаю, каб мы ставілі вось так у кутах пісуары. Звычайная норма — уздоўж сцяны на адлегласці 60 сантыметраў», — падсумаваў ён.
-
Польскія памежнікі абверглі інфармацыю пра тое, што на КПП «Тарэспаль» не прымаюць аўтобусы з Беларусі
-
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў
-
Вільня: Беларускія памежнікі маглі парушыць мяжу, зайшоўшы на тэрыторыю Літвы
Каментары