Шчодры сваяк падарыў на вяселле 1200 фальшывых еўра з «банка прыколаў»
Абменьваючы ў банку купюру 50 еўра, 21-гадовы магілёвец і не думаў, якая гісторыя далей закруціцца.
На месца прыбылі супрацоўнікі міліцыі, падазроную купюру забралі, а таксама падчас агляду кватэры грамадзяніна забралі яшчэ 18 грашовых білетаў наміналам па 50 еўра і 3 — па 100 еўра.
Для вырашэння пытання аб сапраўднасці купюр іх накіравалі на судовую экспертызу ў Магілёўскі міжраённы аддзел Дзяржаўнага камітэта судовых экспертыз.
Паводле высноў эксперта, амаль усе купюры наміналам 50 еўра, за выключэннем адной, выраблены не прадпрыемствам, якое ажыццяўляе вытворчасць прадукцыі дадзенага віду, і выкананы спосабам плоскага афсетнага друку.
Эксперт таксама ўстанавіў, што купюры па 100 еўра з’яўляюцца банкнотападобнымі вырабамі — на іх маюцца адпаведныя надпісы «Prop money», «For motion picture use only», «This note is not a legal tender» («рэквізітныя грошы», «Толькі для выкарыстання ў кіно», «гэтая банкнота не з'яўляецца законным плацежным сродкам»).
Пры разбіральніцтве высветлілася, што фэйкавыя грошы дасталіся маладому магілёўцу… у падарунак на вяселле ад аднаго з гасцей.
Ужо пазней сваяк прызнаўся, што меў фінансавыя цяжкасці, таму падарыў маладым у канверце 50 еўра і грошы з «банка прыколаў» на суму 1200 «еўра».
Некалькі месяцаў падораныя купюры ляжалі ў канверце, пакуль адну з іх нічога не падазраючы хлопец не прынёс у банк на абмен…
Распачата крымінальная справа.
Цяпер чытаюць
Памілаваныя 15 чалавек, сярод якіх 13 палітвязняў14
Каментары