1 кг бульбы, 1 цыбуліна, 3 ст. лыжкі мукі, 1 яйка, соль, чорны молаты перац, алей для смажання.
Для начынкі: 250–300 г мяснога фаршу (лепш сумесь свінога і ялавічнага) або 100 г сухіх грыбоў, 2 цыбуліны, 1 морква.
Калдуны з бульбы — гэта дранікі з начынкай.
Бульбу абабраць, цыбулю ачысціць і нацерці іх на дробнай тарцы альбо з дапамогай кухоннага камбайна. Зліць залішнюю ваду, трохі адціснуўшы пры гэтым бульбяную масу. Дадаць соль, яйка і муку, перамяшаць.
Браць лыжкай бульбяную масу, класці яе на руку, у сярэдзіну класці начынку, фармаваць пляскаты піражок і смажыць на патэльні на разагрэтым алеі да гатоўнасці.
Начынка можа быць з мяснога фаршу, прыпраўленага па густу спецыямі, або з адвараных, парэзаных грыбоў, падсмажаных з нарэзанай колцамі цыбуляй і нацёртай на буйной тарцы морквай.
Гатовыя калдуны скласці ў таўстасценны рондаль, перакладаючы падсмажанай на сале або масле цыбуляй, і ненадоўга паставіць у гарачую духоўку.
Падаваць са смятанай.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары