У ноч на сераду ў цэнтры Днепрапятроўска прагрымеў выбух.
Па дадзеных МНС, выбух прагрымеў у 0:10 па праспекце Карла Маркса, 52. Паводле інфармацыі Упраўлення ўнутраных спраў Днепрапятроўскай вобласці, міліцыя высветліла, што 15 лістапада ў 23:55 да прыпынку грамадскага транспарту ў цэнтры горада пад’ехаў легкавік пад кіраваннем 27-гадовага мясцовага жыхара з пасажырам — таксама 27-гадовым жыхаром Днепрапятроўска.
Апошняму стала дрэнна, ён выйшаў з машыны і набыў у шапіку пляшку вады. Калі мужчына накіраваўся да бетоннай сметніцы, якая знаходзілася на прыпынку, адбыўся выбух. Мужчына загінуў на месцы.
Першапачаткова праваахоўныя органы распачалі крымінальную справу па артыкуле п. 5 ч. 2 арт 115 КК Украіны (наўмыснае забойства), аднак пазней пракурор Днепрапятроўскай вобласці вынес пастанову аб перакваліфікацыі складу злачынства па прыкметах ч.3 ст.258 КК (тэракт).
Паводле папярэдняй інфармацыі, загінулы быў камерцыйным дырэктарам адной з будаўнічых кампаній.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары