Яшчэ адно прызнанне: ананімаў у інтэрнэце «спецслужбы гадуюць у розных мэтах».
Незалежныя СМІ карыстаюцца папулярнасцю сярод вялікіх начальнікаў. Да такой высновы прыйшлі галоўны рэдактар «Советской Белоруссіі» Павел Якубовіч і вядучы перадачы «Карціна свету» Юрый Казіятка ў эфіры канала
«Мы ведаем, што на грошы Еўрасаюза ўтрымліваюцца ў тым ліку і апазіцыйныя СМІ. Ці з’яўляюцца яны ўзорам журналістыкі ці гэта савецкая махроўшчына?» — задаваў тон Казіятка.
«Там ёсць савецкі бальшавісцкі прапагандызм», —растлумачыў Якубовіч.
Пасля размова перайшла на Вікторыю Папову. «Гэта проста дрэнны густ, дробнае хуліганства і подласць, — апісаў рэдактар „СБ“ дзеянні Змітра Лукашука. — Так сябе хамы ў трамваі паводзяць. Папова мае права беларусаў любіць ці не любіць па той простай прычыне, што яна сама беларуска», — апраўдваў падначаленую Якубовіч.
«Яна мела на ўвазе беларускамоўных журналістаў ці журналістаў, якія размаўляюць на трасянцы?» —перапытаў Казіятка. «Такіх прыставучых, бестактоўных і нахабных людзей, якія звоняць ёй дадому, на яе хатні тэлефон, і спрабуюць нешта з роту вырваць», — кляйміў Якубовіч.
Пасля сталі абмяркоўваць папулярнасць друкаваных СМІ і інтэрнэту. «За мінскай кальцавой не чытаюць апазіцыйныя газеты. 30%, 40%, часам 60% гэтых газет ідзе ва ўтыль», — падзяліўся сваімі падлікамі рэдактар «СБ». Пытанні вяртання самой «Саўбеліі», роўна як і фактаў прымусовай падпіскі на дзяржвыданні, не закраналіся.
Казіятка выказаў думку, што многія вялікія начальнікі могуць не прачытаць «Савецкую Беларусію» і не паглядзець тэлеканал, а чытаюць нейкія недзяржаўныя сайты.
Якубовіч пагадзіўся, што глядзяць Хартыю’97, але не для інфарматыўнасці, а каб даведацца, што сказалі пра суседа па кабінеце.Асабліва яго раздражняе, што «на кожны чых Хартыі і яшчэ чагосьці прачынаецца нейкае пачуццё пільнасці, маўляў, вы чыталі, што пра вас напісалі?». «Я адказваю, пачыталі б вы лепш Дыкенса», — прызнаўся Якубовіч.
Загаварылі пра ананімаў у інтэрнэце.
«Мы ж разумеем, што часам спецслужбы гадуюць іх у розных мэтах. Гэта ж проста вызначыць: хто напісаў і якіраптам прызнаўся Казіятка. Якубовіч разгубіўся: «Гэта дрэнна, гэта дрэнна. У мяне няма панацэі ад таго, як ад іх пазбавіцца. Я не хачу на гэтую тэму гаварыць».IP-адрас », —
-
Ты рускамоўны чалавек свету ці ты чалавек беларускі? Кейс Насты Рагатко
-
«Валасы дыбарам». У ютубе з'явіліся відэаролікі па гісторыі Беларусі, ад пачатку да канца напісаныя штучным інтэлектам
-
Наста Рагатко: Усіх, хто супраць удзелу беларусаў у івэнтах расіян, я чакаю ўбачыць на кірмашах польскіх, брытанскіх, іспанскіх
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары