Рабаўнік у краме патрабаваў пляшку гарэлкі і мільён рублёў
Як паведаміў начальнік Іванаўскага раённага аддзела Следчага камітэта Аляксандр Новік, 20 лютага ў 19.51 у міліцыю звярнулася загадчыца прыватнага магазіна ў вёсцы Яечкавічы.
Жанчына расказала, што ў гэты дзень прыкладна ў 19.20 на гандлёвы аб'ект зайшоў мужчына. У гэты час там знаходзілася яна і прадавец.
Пагражаючы ім нажом, грамадзянін запатрабаваў пляшку гарэлкі і 1 млн. рублёў.
Пасля таго як загадчыца перадала разбойніку гарэлку, той знізіў запатрабаваную суму да 300 тыс. рублёў. Завалодаўшы грашыма і пляшкай спіртнога, ён пайшоў.
Прыкладна ў 23.00 зламыснік быў затрыманы супрацоўнікамі праваахоўных органаў на вуліцы ў вёсцы Яечкавічы. Гэта быў 35-гадовы непрацуючы, раней неаднаразова судзімы, у тым ліку за крадзяжы, жыхар суседняй вёскі Патапавічы. Часткова ў яго канфіскавана выкрадзенае.
Іванаўскім раённым аддзелам Следчага камітэта ў дачыненні да 35-гадовага мужчыны распачата справа паводле ч. 1 арт. 207 (разбой) Крымінальнага кодэкса. Ён змешчаны ў ізалятар часовага ўтрымання.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары