Канадскі астранаўт Крыс Хэдфілд, кіраўнік экіпажу Міжнароднай касмічнай станцыі за няпоўныя тры месяцы, якія знаходзіцца ў космасе, стаў зоркай сацыяльных медыя. Яго старонкі ў Facebook і Twitter чытаюць сотні тысяч чалавек. Сёння ён выклаў фотаздымак Менска з арбіты МКС, які каманда намагалася зрабіць цягам некалькіх месяцаў.
«Поспех! На працягу многіх месяцаў мы спрабавалі атрымаць чыстае фота Менска, Беларусь, роднага горада шчаслівага ўдзельніка экіпажа МКС Алега Навіцкага»,— напісаў Крыс Хэдвілд у Twitter, выклаўшы касмічнае фота сталіцы Беларусі.
Алег Навіцкі, якога прыгадвае Хэдвілд, — гэта расійскі касманаўт беларускага паходжання, што знаходзіцца на МКС з кастрычніка 2012 года. Навіцкі нарадзіўся ў горадзе Чэрвень Мінскай вобласці. У сакавіку ягоная місія на міжнароднай касмічнай станцыі заканчваецца. Ад таго, напэўна, магчымасць атрымаць нарэшце якасны здымак сталіцы сваёй радзімы з МКС асабліва важная.
Канадскі астранаўт актыўна аднаўляе Twitter і Facebook з 21 снежня, як прыбыў на МКС. Ён посціць фотаздымкі, каментуе надвор’е і перадае дасціпныя прывітанні зямлянам. У гэтай справе астранаўту дапамагаюць сыны, што засталіся ў Канадзе. Справа ідзе вельмі добра — на дадзены момант колькасць чытачоў у Твітэр набліжаецца да 500 тысяч.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення13
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары