Цыклон, які бушаваў над Беларуссю другую палову пятніцу і палову ночы, адышоў на паўночны ўсход у бок Расіі.
Над Мінскам свеціць сонца, якое паступова прабіваецца праз хмары. За 12 гадзін намяло нямала снегу, і ён зіхаціць пад сакавіцкім сонцам.
Сонечнае надвор'е таксама ў Брэсцкай вобласці і над трасай на Вільню, паведамляюць карэспандэнты і чытачы НН.
Надвор’е на сёння мінус 5–7, парывы да 16 метраў у секунду.
Тым не менш ДАІ і МНС рэкамендуюць адмовіцца сёння ад паездак на аўтамабілях: у пятніцу былі нечуваваныя заторы на трасах і яны зараз захоўваюцца. Заняткі і мерапрыемствы ў беларускіх школах адменены.
Выезд з Мінскапаведамляе БелТА.па-ранейшаму абмежаваны да стабілізацыі дарожнага становішча. Так, няма руху на дарозе М4 Мінск — Магілёў да45-га кіламетра. Ідзе расчыстка трасы на Барысаў (Р53), цяжкая сітуацыя захоўваецца на трасы Брэст — Мінск у раёне Дзяржынска. На МКАД каля Новага Двара ўскладнены рух, рух транспарту на трасе Мінск — Гродна перакрыты. цяжкое становішча каля Магілёва ў кірунку Мінска,
Затое аднавіў працу Нацыянальны аэрапорт «Мінск», рэйсы рыхтуюцца да вылету.
А якое надвор’е ў Вас? Якая вышыня снегу?
Дзяліцеся ўражаннямі.
***
Мінск паціху вяртаецца да жыцця. Дарогі паступова чысцяцца. Транспарт паволі, аднак ходзяць. Жыццё, можна сказаць, віруе. Людзей шмат на прыпынках, але так звычайна ў суботу.
Аўтамабілісты разграбаюць снег каля сваіх машын. У некаторых месцах сумёты не тое, што вышэй за галаву, а значна большыя.
Снег учора замёў усё навокал, таму людзі праклалі новыя сцежкі, па якіх можа прайсці толькі адзін чалавек. Таму часам выстройваюцца цэлыя чэргі, каб прайсці.
У шэраг кіёскаў не падвезлі свежую суботнюю прэсу. Пошта не даехала.
Праўда, дзьме моцны парывісты вецер, не зусім камфортна, бярэцца мароз. Неба зноў зацягвае хмарамі.
Пасля 12-й у Мінску сонца канчаткова схававалася. У дварах цяжка праехаць, машыны буксуюць.
Наша Ніва працягвае сачыць за падзеямі : )
Апытанка
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары