Аляксандр Лукашэнка даручыў да канца красавіка падаць яму на подпіс канчатковы варыянт указа аб стварэнні Дзяржаўнай службы судовых экспертыз, і вызначыцца з яе статусам і падпарадкаванасцю.
Папярэдні варыянт указа кіраўніка дзяржавы аб стварэнні Дзяржаўнай службы судовых экспертыз на базе экспертных падраздзяленняў органаў унутраных справаў, органаў і падраздзяленняў па надзвычайных сітуацыях, Узброеных сіл, Міністэрства юстыцыі, а таксама Службы медыцынскіх судовых экспертыз быў разгледжаны на нарадзе кіраўніка дзяржавы ў чацвер.
Лукашэнка нагадаў, што ў мінулыя гады неаднаразова вывучалася магчымасць удасканалення дзейнасці дзяржаўных
«Тады прыняцце такога рашэння прызналі немэтазгодным, чаму, напэўна, былі аб’ектыўныя на той момант прычыны. Аднак час не стаіць на месцы, умовы працы
Аляксандр Лукашэнка падкрэсліў, што пытанне аб рэарганізацыі існай сістэмы
«Экспертыза была і застаецца адной з самых надзейных крыніц атрымання аб’ектыўных доказаў і часцяком адыгрывае вызначальную ролю пры вынясенні судовых рашэнняў», — адзначыў Лукашэнка.
Кіраўнік дзяржавы прапанаваў яшчэ раз дбайна абмеркаваць прапанову аб утварэнні адзінай службы судовых экспертыз.
Між тым, прысутныя на нарадзе начальнікі сілавых ведамстваў Беларусі сышліся ў меркаванні, што новай структуры павінен быць нададзены статус ваенізаванай арганізацыі, наўпрост падпарадкаванай прэзідэнту,што дасць магчымасць выключыць ведамасны ўплыў на гэтую службу з боку праваахоўных і дзяржаўных органаў. На думку галоўных сілавікоў, новая арганізацыя можа пачаць функцыянаваць з 1 ліпеня 2013 года.
Лукашэнка заявіў, што ўжо сёння неабходна вызначыцца з тым, ці будзе новая арганізацыя ваенізаванай. «Ніякага палавіннага рашэння быць не павінна. Мы мусім выпрацаваць аптымальны Указ, дзе будуць вызначаныя гэтыя пытанні», — падкрэсліў кіраўнік дзяржавы.
Лукашэнка адзначыў, што пры стварэнні штатнай структуры неабходна арыентавацца на рашэнні, прынятыя пры мадэрнізацыі Следчага камітэта і пракуратуры.
Лукашэнка звярнуў увагу прысутных і на неабходнасць выпрацоўкі аптымальнай назвы новай структуры: будзе гэта служба, камітэт або міністэрства.
Што да падпарадкавання структуры наўпрост кіраўніку дзяржавы, то Лукашэнка даручыў яшчэ прапрацаваць гэтае пытанне. «Шчыра кажучы, я не хацеў бы, каб гэтая служба была наўпрост падпарадкаваная прэзідэнту. Трэба падумаць над гэтым. Але і падпарадкоўваць ураду, напэўна, будзе не зусім правільна, таму што ўрад у нас фактычна замыкаецца на эканоміку. Я схільны да таго, каб павярнуць гэтую службу больш да судовай галіны ўлады», — сказаў кіраўнік дзяржавы.
У той жа час ён пагадзіўся на стадыі фармавання падпарадкаваць яе прэзідэнту, але папярэдзіў, што пазней будзе яшчэ складаней перападпарадкаваць арганізацыю, бо давядзецца паніжаць яе статус.
Лукашэнка папярэдзіў таксама чыноўнікаў аб недапушчальнасці перавышэння сваіх паўнамоцтваў.
Каментары