25 чэрвеня прэзентацыя кнігі Віктара Карамазава
Імпрэза пройдзе на сядзібе Таварыства беларускай мовы ў Мінску (вул. Румянцава, 13).
У том выбраных твораў «Беларускага Кнігазбору» (67 выпуск выдавецкага праекта) увайшлі раман «Мастак і парабкі», апавяданні і эсэ розных гадоў, а таксама публіцыстычнае слова пісьменніка па пытаннях беларускай літаратуры на мяжы двух стагоддзяў — дыялог з паэтам Леанідам Галубовічам.
Анатоль Бараноўскі, народны мастак Беларусі, у грунтоўнай прадмове да кнігі адзначае:
«Пісьменнік будуе словам тое, што я, мастак, будую колерам. Мы спадарожнікі і аднадумцы, сябры па творчым пошуку. <…>
Віктар Карамазаў рэаліст. Бывае рэалістам жорсткім, як у „Аброчным крыжы“, а бывае схільным да рамантызму, як у
У імпрэзе акрамя самога аўтара возьмуць удзел: Кастусь Цвірка, Генадзь Вінярскі, Сяргей Законнікаў, Анатоль Вярцінскі, Алесь Жук, Барыс Пятровіч, Галіна Каржанеўская, Леанід Галубовіч, Уладзімір Сіўчыкаў.
Пачатак у 18.00. Уваход вольны.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары