Заўсёды лічылася, што паляпшэнню працаздольнасці мозгу найлепш спрыяюць лагічныя задачы ці гульні накшталт шахмат. Аднак амерыканскі вучоны Бары Камісарук прыйшоў да высновы, што ідэальнай разумовай трэніроўкай з'яўляецца сэксуальная разрадка, аргазм.
На думку даследчыка, у адрозненне ад разумовых галаваломак аргазм стымулюе не нейкую асобную вобласць мозгу, а мозг у цэлым. Таму такі від «мазгавога штурму» значна больш эфектыўны.
Апошнія 40 гадоў сваёй дзейнасці ва Універсітэце Рутгерс у Ньюарку, (штат Нью-Джэрсі, ЗША) навуковец прысвяціў даследаванню ўплыву сэксуальнага задавальнення на чалавека. На думку вучонага, аргазм пасля сэксу аказвае значна больш моцны ўплыў на працу мозгу, чым гульня ў шахматы або рашэнне лагічных задач.
Як тлумачыць Камісарук, гэта адбываецца з-за таго, што аргазм выклікае сур'ёзную актывізацыю кровазвароту, у выніку чаго мозг абмываецца адразу вялікай колькасцю крыві, узбагачанай пажыўнымі рэчывамі і кіслародам.
Акрамя таго, навуковец вынайшаў і абязбольвальны эфект ад аргазму. Бары Камісарук сцвярджае, што аргазм здольны прытупляць пачуццё трывогі, эмацыйнай прыгнечанасці, блакаваць болевыя адчуванні, а ў асобных выпадках нават пазбаўляе чалавека ад пэўных відаў залежнасці. Таму, лічыць ён, падрабязнае вывучэнне гэтага механізму магло б знайсці выратавальнае рашэнне ад наркаманіі і дэпрэсіі.
-
Алімпійскі прызёр Максім Недасекаў ажаніўся другі раз. Гэтым разам з Лалітай
-
Маладое пакаленне перастала гэтага саромецца: 22% амерыканцаў пакалення Z лічаць сябе ЛГБТК. Абсалютная большасць з іх — гэта бісэксуалы
-
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне17
Каментары