Поп-зорка не будзе выступаць у краінах СНД.
Адна з самых папулярных маладых поп-зорак свету Селена Гомэс, якая мусіла выступіць у «Мінск-Арэне» 19 верасня, афіцыйна адмяніла канцэрт. Гэта звязана з праблемамі, якія ўзніклі ў расійскіх арганізатараў з атрыманнем візаў для замежных артыстаў.
Па словах арганізатараў, пасля скандалаў вакол расійскіх канцэртаў Мадоны, Ледзі Гага і Blooghound Gang, расійскае кіраўніцтва перагледзела сваё рашэнне па выдачы расійскіх візаў для замежных артыстаў. У выніку выдаваць візы па лініі Міністэрства культуры РФ было забаронена.
Што тычыцца беларускага і ўкраінскага канцэртаў, то там праблемаў з візамі для музыкаў не ўзнікала, аднак Селена Гомэс адмяніла канцэрты ва ўсіх трох краінах. Перамовы арганізатараў з мэнэджарамі артысткі не далі плёну.
Квіткі на канцэрт можна здаць з 19 верасня па 19 кастрычніка.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары